Pas një periudhe 15 javëshe autoritete e sigurisë nga komuna e Ferizajt,kanë dal para opinionin me një deklaratë për rrjedhën e planit operativ "Rregullimi i trafikut në komunat Ferizaj, Shtime, Shtërpcë dhe Kaçanik". Me këtë rast drejtori i Drejtorisë Rajonale të Policisë së Kosovës, kolonel Izet Azizi është shprehur i kënaqur me rrjedhën e këtij plani, qëllimi i të cilit, siç tha, ka qenë vendosja e një rregulli në transportin urban, objektivë kjo që është arritur falë bashkëpunimit ndërinstitucional të mekanizmave përkatës të sigurisë dhe shoqatës së transportuesve."Problemet më të mëdha i kanë takuar realisht komunës së Ferizajt, e cila ka realizuar në tërësi detyrat e marra. Takimet e mbajtura kanë pasur për synim identifikimin e problemeve kruciale të transportit urban dhe zgjidhjen e tyre. Sot pas 15 javësh jemi të kënaqur me punën që ka bërë grupi, me bizneset transportuese që kanë bashkëpunuar me Policinë e Kosovës" ka thënë oficeri i PK-së, Azizi. Ai më tej ka thënë se ky është një shembull i mirë i bashkëpunimit mes një qeverisje demokratike me policinë, e cila ka qenë iniciatore për këtë plan veprimi, për të zhbërë anomalitë prezente në këtë fushë, duke u mundësuar qytetarëve të ndihen të sigurte dhe të lëvizin lirshëm në hapësirat për lëvizje.
Për sukseset e arritura të këtij plani një vlerësim të tillë ka dhënë edhe i pari i Drejtorisë për Shërbime Publike dhe Emergjencë, Ibrahim Hyseni. "Ne kemi bërë në këtë kuadër 4 vendndalje për autobusë, dy në rrugën ‘Ahmet Kaçiku’ një në rrugën ‘Epopeja e Jezercit’ dhe një tjetër në fshatin Zaskok. Përveç tyre, kemi krijuar hapësira për taksitë, në rrugën ‘Uran Tinova’ dhe në rrugën’ Enver Topalli’. Mendojmë me këto kemi përmbushur detyrimet si komunë" është shprehur Hyseni, ndërsa ka shtuar se eshë shumë tasi kanë vazhduar , por edhe kanë marre lejete tyre të punës. "Ky plan ka rezultuar me identifikimin e taksive që kanë punuar me leje të skaduara. Në këtë periudhë 97 leje janë ripërtërirë, ndërsa janë dhënë edhe 52 leje të reja pune" ka thënë Hyseni.
Nga ana tjetër, përfaqësuesi i Shoqatës së Transportit Publik, Naim Pajaziti ka shprehur fjalë miradije për planin që ka vënë një rregull në rrugët e qytetit, duke e vënë theksin në vendaljet e ndërtuara kajstile për autobusë dhe taksi. "Këto vende të caktuara kanë një rëndësi të veçantë, sepse kanë mundësuar një lëvizje më të sigurt në komunikacion" ka thënë Pajaziti.
Nga ana tjetër njëri nga udhëheqësit e kësaj taske force, rreshteri Ismet Gashi ka theksuar se gjatë punës 15 javëshe janë ndaluar për kontroll 3515 automjete. Duke sjell shifra, ai ka thënë se 155 prej tyre kanë qenë vetura kombi, 201 vetura të udhëtarëve, 57 autobusë dhe 1284 automjete tjera.
"Janë shqiptuar gjithsej 1706 tiketa. Këto tiketa nuk janë shqiptuar në kuadër të planit por edhe për kundërvajtje tjera që janë identifikuar, si vetura të pa regjistruara, bllokim të trotuareve apo parkingje të palejuara" ka thënë rreshter Gashi. Sipas të dhënave, janë hequr nga veturat 105 palë targa dhe ka pasur 16 konfiskime të veturave me merimangë.
Autoritete kanë thënë se qëllimi i këtij aksioni nuk ka qenë vetëm të shkruajnë tiketa. "Këshilla, vërejtje dhe sugjerime janë dhënë për 1422 shoferë, të cilat nuk kanë pasur njohuri rreth kompletimit të dokumentacionit për ushtrimin e veprimtarisë së taksive" ka thënë udhëheqësi i Task Forcës, rreshter Gashi.
Duke e vlerësuar mjaft lart planin operativ edhe inspektori komunal i komunikacionit, Hajrush Leka ka thënë se nuk ka qenë qëllimi të shkruhen tiketa dhe të shqiptohen gjoba, pasi plot një muaj u janë dhënë sugjerime dhe vërejtje shoferëve.
"Është bërë një punë e shkëlqyeshme në grup. Qëllimi ka qenë vetëdijesimi i shoferëve rreth transportit publik, i cili duhet të zhvillohet në përputhej me ligjin. Tiketat janë shqiptuar kur janë shterur të gjitha mundësitë" ka thënë Leka.
Autoritete thanë se plani është përmbyllur, por çështja e transportit publik të udhëtarëve nuk do të futet në margjina, por do të jetë pjesë e punës së tyre të përditshme.
Gjatë punës 15 javëshe janë ndaluar për kontroll 3515 automjete, prej tyre 155 kanë qenë vetura kombi, 201 vetura të udhëtarëve, 57 autobusë dhe 1284 automjete tjera.
