Qëllimi i vizites,se zv/ministrit për Kulturë Rini e Sport, Gani Elshani, sipas kryetarit të Komunës së Ferizajt, Bajrush Xhemaili ishte informimi me kulturën dhe aktivitetet sportive të cilat zhvillohen në këtë komunë, për gjendjen në të cilën ato janë dhe projektet e kësaj komune në këtë drejtim. “U interesuan edhe për zyrën e komuniteteve, dhe unë konsideroj se kam dhënë informacione të shumta.”, ka thënë Xhemaili, duke shtuar se kulturën dhe sportin, mbi bazën e financave që kanë po mundohen t’a mbajnë në një gjendje mjaft të mirë, e po ashtu edhe zyrën e komuniteteve.
Ndërsa, zv/ ministri, Gani Elshani, pasi mori informatat e këtij gjashtë mujori, ka thënë se ndjen knaqësi që Komuna e Ferizajt, dallon nga komunat tjera, si një komunë e sportit. “Ne na intereson edhe qështja e komuniteteve, se sa janë ata të integruar në këtë shoqëri”, ka thënë Elshani, duke bërë të ditur se ministria përkatëse, dëshiron që t’i bashkangjitet këtyre aktiviteteve, qoftë me projekte kapitale por edhe me ato të nivelit lokal. “Ne dëshirojmë që të bëjmë një lidhje me komunën, por edhe me drejtorinë për Kulturë, Rini dhe Sport dhe me kryetarin nga i cili u informuam për aktivitetet”, ka thënë Elshani.
Pasi u informuan për ativitetet të cilat zhvillohen në këtë komunë, Elshani ka thënë se qëllim tjetër ishte që të fuqizojnë klubet dhe shoqëritë kulturore, të cilat aktivitetin e tyre e zhvillonin dikur por tani janë shuar.
“Me rishikimin e bugjetit e dimë se në planifikimin për vitin 2011 edhe komuna e juaj do të ketë një përkrahje por dëshirojmë që nga drejtori dhe kryetari të aplikojnë me projekte”, ka thënë Elshani.
Vizita e Elshanit në Ferizaj, u bë edhe me arsyen që të bëjën regjistrimin e klubeve futbollistike dhe shoqërive artistike e kulturore pa pagesë, e mandej t’i mbulojnë ato me projekte të cilat u duhen për tu zhvilluar.
Zv.Ministri për Kulturë Rini e Sport, Gani Elshani, pasi vizitoi Komunën e Ferizajt, ka thënë se si qëllim kishte informimin për gjendje e aktiviteteve të ndryshme sportive e kulturore. Ai gjithashtu premtoi edhe më shumë ndihmë nga ministria përkatëse
