Temë qendrore ka qenë lehtësimi i bashkëpunimit për përmirësimin e infrastrukturës ekzistuese për këtë shkollë dhe ngritja e këtij bashkëpunimi ndërmjet dy komunave.
Ndër të tjera janë hulumtuar edhe fusha tjera të bashkëpunimit ndërmjet dy komunave dhe të dy bashkëbiseduarit janë dakorduar që të vazhdojnë avancimin e bashkëpunimit.
Kryetari i Komunës z. Aliu, gjatë këtij takimi ka falënderuar nënkryetarin e Komunës së Bornhajmit për gjithë kontributin që kanë dhënë regjioni i Bornhajmit dhe në përgjithësi shteti gjerman për qytetaret tanë gjate gjithë procesit qe ka kaluar shteti jonë, por edhe për kontributin që po jep edhe sot për ndërtimin e paqes dhe zhvillimit ekonomik te vendit tonë si dhe i ka bërë ftesë z. Kruger që të vizitoj Ferizajn dhe kjo është pritur mirë nga ai.
Gjatë kësaj vizite, kryetari Aliu ka zhvilluar edhe shumë takime tjera me bashkatdhetarë, kryesisht të koncentruar në rrethinën e Dusseldorfit, të cilët kanë qenë shumë mirënjohës për këtë vizitë, duke i dëgjuar hallet, propozimet dhe sugjerimet e tyre për tema të ndryshme me interes për ta dhe për komunën tonë.
Janë dhënë edhe mjaft shpjegime për lehtësimin e investimeve në komunën tonë nga afaristë të suksesshëm që jetojnë dhe afarojnë në Gjermani dhe ka pasur një pajtim të dyanshëm për intensifikimin e komunikimit që do të mundësonte përfshirjen aktive të bashkatdhetarëve tanë në vendimmarrjet e komunës që kanë ndikim në përmirësimin e cilësisë së jetës të të gjithë qytetarëve.
Kryetari i Komunës, z. Agim Aliu së bashku me Drejtorin e Ekonomisë dhe Financave dhe Buxhetit z. Mustafë Grainca si dhe me Drejtorin për Shëndetësi dhe Mirëqenie Sociale z. Bashkim Hysenin i është përgjigjur ftesës së Nënkryetarit të komunave të Bornhaim (Rrethinë e Bonit) z. Frank Kruger.
Kjo vizitë është iniciuar nga bashkëpunimi ndërmjet trajnerit të futbollit gjerman Dieter Paffrah dhe Shkollës së Futbollit “Dinamo” të përfaqësuar nga Fatos Ademi. 