Drejtoria komunale e Administratës dhe Personelit në Ferizaj shpalosi sot para mediave punën e saj njëvjeçare të të gjitha sektorëve të saj,duke bërë të ditur se gjatë kësaj periudhe kanë punuar mjaft në ofrimin e shërbimeve sa më efikase për qytetarët si dhe për institucionet e tjera. Vesel Zhinipotoku ,drejtor i kësaj drejtorie,duke prezantuar punën e sektorëve një nga një , tha se janë munduar që të bëjnë respektimin e plotë të ligjeve dhe akteve ligjore,pastaj të jenë efikase dhe llogaridhënës,duke iu ofruar qytetarëve shërbime cilësore.” Drejtoria e Administratës dhe Personelit gjatë këtij viti është angazhuar me përkushtim të përhershëm dhe të vendosur për të siguruar dhe garantuar: respektim të ligjit (akteve ligjore, nënligjore dhe normative), respektim të procedurave ligjore dhe administrative, përgjegjshmëri, llogaridhënie, përkushtim,profesionizëm, efikasitet,barazi gjinore, transparencë në vendimmarrje dhe procedura ekzekutive, depolitizim të aktiviteteve të administratës,eliminim të nepotizmit politik në veprimet legjislative, administrative dhe vendimmarrëse, luftë kundër dukurisë së korrupsionit dhe dëmtimit të pasurisë “, ka thënë Zhinipotoku.
Drejtori Zhinipotoku po ashtu ka thënë se përkrah një sërë shërbimesh të realizuara nga administrata kjo drejtori ka krijuar edhe hapësira të reja në objektin komunal ,si dhe ka në plan funksionalizimin edhe të disa pjesëve të tjera në këtë ndërtesë,duke veçuar katin përdhese.” Njësia e zyrës pritëse e transformuar tashmë në Qendrën për Shërbim te qytetarëve në kuadër te se cilës qytetareve u mundësohet që përmes shkresave, kërkesave dhe ankesave te ndryshme tu drejtohen te gjitha drejtorive te administratës komunale, gjate këtij viti ka treguar efikasitet dhe cilësi te lartë ne ofrimin e këtyre shërbimeve si dhe shpërndarjen e këtyre shkresave ne drejtoritë përkatëse. Gjatë këtij viti kësaj qendre i janë adresuar gjithsej 19518 shkresa, ndërsa vetëm drejtorisë së administratës dhe personelit 10849 shkresa nga te cilat vetëm 36 janë të pashqyrtuara, në proces 68, të miratuara 10562, të refuzuara 164 etj”ka thënë drejtori, ndërsa ka shtuar se vlen te theksohet se ketë vit si e arritur është edhe arkivimi ne mënyrë elektronike i këtyre shkresave përmes digjital senderit.”Gjatë këtij viti janë krijuar hapësira të reja të punës në Drejtorinë e Kulturës, Rinisë dhe Sportit, afërsisht 670 metra katror, në objektin e komunës është ngritur një aneks prej 172 metra katror që ka krijuar hapësira shumë të mira, gjithashtu në objektin e komunës podrumi është para funksionalizimit me rreth 85 metra katror”, është shprehur Zhinipotoku.
Drejtues të Administratës dhe personelit gjithashtu vënë në pah se këtë vit ka pasur ulje të shpenzimeve të komunës,për të folur edhe për punën e Sektorit të shërbimeve ligjore dhe administrative si dhe për atë të sektorit të Gjendjes civile ,të cilët kanë treguar performancë tejet të mirë gjatë këtij viti,ku vetëm në këtë të fundit janë realizuar mbi 67 mijë kërkesa.” Njësia e Pranimit dhe Shpërndarjes së materialit shpenzues –inventarit ka kryer një punë shumë të madhe ku si e arritur konsiderojmë krijimin e depos për material si dhe regjistrimin e çdo hyrje dalje se materialit përmes sistemit digjital. Gjatë këtij viti si rezultat i krijimit të depos dhe regjistrimit te materialit kemi edhe zvogëlim te shpenzimeve për këto kategori ne krahasim me vitet e mëparshme”, tha ai, ndërsa ka veçuar edhe njësinë e vozitësve që ka kryer punë të madhe. “Ka kryer me efikasitet shërbimet për te gjitha drejtorit, ketë e kanë mundësuar edhe pajisja me vetura te reja por sfidë na mbeten edhe automjetet e vjetra te cilat e ngrisin shkallën e shpenzimeve të derivateve dhe te mirëmbajtjes për shkak te vjetërsisë se tyre .Duke u bazuar ne ketë fakt pas pajisjes me vetura te reja kemi tërhjekur nga qarkullimi automjetet të cilat kishin kosto te lartë të mirëmbajtjes dhe jemi në përfundim te procedurave te shitjes së katër automjeteve që kanë qenë në shfrytëzim nga administrata komunale përmes ankandit publik”, ka potencuar Zhinipotoku.
Gjatë këtij viti njësia e arkivit të administratës komunale bashkërisht me njësinë e Postës kanë pasur një volum më të shtuar të punëve gjatë këtij viti.”Kanë kryer këto punë përcjellja e postës nëpër gjithë botën 420, pranimet e shkresave në mënyrë rekomanduese 490,pranime të shkresave nga posta në formë të thjeshtë 169, vërtetime të vërtetuara në bazë të origjinalit 4250, vulosjet e të gjitha dokumenteve nëpërmes arkivës gjithsejtë 50.000”.
Si hap të rëndësishëm të realizuar në këtë vit,zyrtarët komunalë panë atë se tashmë zyrat e gjendjes civile janë të lidhura me sistemin e qeverisjes dhe atë se tanimë objektet e kësaj natyre janë të siguruara në formë të duhur.” Sektori i shërbimeve juridike, ligjore dhe administrative me dy njësitë e saja si ajo e ekzekutivit njashtu edhe e legjislativit ka kryer me efikasitet te lartë shërbimet si për qytetaret njashtu edhe për administratën komunale në përgjithësi si dhe për legjislativin, duke kontribuar ne përpilimin e akteve te ndryshme si: vendimeve, shkresave draft rregulloreve, kontratave dhe akteve te tjera juridike ne bazë të kërkesave te departamenteve,si dhe përfaqësimin e lëndëve në instancat gjyqësore. Njësia e ekzekutivit ka treguar rezultate shumë të mira si në njoftimin përpilimin e procesverbaleve te mbledhjeve te kuvendit komunal njashtu edhe te komiteteve funksionale të kuvendit gjithsej 71, pastaj vendime te kuvendit komunal 40, vërtetime te ndryshme si dhe përgatitjet e të gjitha materialeve të seancave te kuvendit si dhe shkëmbimin e informatave me MAPL, dhe mekanizmave te tjerë relevant”, ka thënë drejtori Zhinipotoku, duke theksuar faktin se si e arritur kryesore e Drejtorisë së Adminsiatrtës gjatë këtij viti ishte sektori me i frekuentuar nga qytetarët sektori i gjendjes civile- me dy njësit e saja ne qytet dhe ne ZGJC ne fshatra.”Kështu gjate këtij viti ky sektor ka qenë objektiv kryesor i riorganizimit, rifunksionimit si dhe krijimit te kushteve për shërbime sa me efikase sa me cilësore si për qytetaret njashtu edhe për stafin Civil qe kryen këto shërbime te gjendjes Civile. Gjatë këtij viti deri me sot ne SGJC janë zgjidhur mbi 67200 kërkesa të ndryshme për rregullimin e dokumentacionit Civil”, tha ai.
Drejtori i Drejtorisë së Adminsiatrtës në konferencën e fundvitit për gazetarë ka vlersuar lartë edhe punën e përkthyesve të komunës, ku është çmuar lart në përkthimet shumë profesionale të të gjitha akteve shkresave, informacioneve në ueb faqe etj, ku gjithsej gjate këtij viti janë përkthyer 430 dokumente përfshirë këtu procesverbale të mbledhjeve të kuvendit, procesverbale të mbledhjeve rreth procesit të kthimit, procesverbale të zyrës së komuniteteve, procesverbale të komiteteve të ndryshme, konkurse, aktvendime, vendime të ndryshme, shkresa të ndryshme të komunitetit serb që kanë qenë të adresuara për zyrën komunale të komuniteteve, lajme, njoftime si dhe të gjitha dokumentet e nevojshme për ueb faqen e komunës, poashtu është bërë edhe përkthimi simultan në të gjitha mbledhjet dhe takimet me komunitetin serb sipas nevojës.
Njëkohësisht, në përmbledhjen e punës se saj vjetore ,zyrtarët e administratës dhe personelit kanë thënë se sivjet është bërë edhe emërimi i udhëheqësit të personelit në Ferizaj. Një sfidë e kësaj drejtorie u tha të ishte mungesa e herëpashershme e certifikatave origjinale ,por që sipas drejtuese është tejkaluar me presionin e bërë në adresë të Ministrisë së punëve të brendshme. Drejtoria në fjalë shpalosi edhe punë të tjera të realizuara me sukses,përderisa publikoi edhe prioritetet për vitin e ardhshëm.
Pavarësisht sfidave të ndryshme janë arritur të përfundohen të gjitha punët me sukses
