Edhe pse tashmë po afrohet afati i regjistrimit të nxënësve në klasët e dhjeta , zyrtarë të arsimit në Ferizajt, kanë bërë të ditur se këtë vit shkollor nuk do të ketë stërngarkim të klasave me nxënësve në disa profile arsimore, të cilat viteve të kaluara kanë qenë më joshëse. I pari i Drejtorisë komunale të Arsimit, Agim Berisha, ka thënë se në bazë të një projekti të hartuar, e që ka marr dritën jeshile edhe në qeverinë lokale, numri i nxënësve nëpër paralele nuk do ta kaloj numrin 39. Berisha ka shpjeguar se më këtë synohet që t’i jepet fund praktikës së vjetër, ku numri i nxënësve në drejtimet e gjimnazit, mjekësisë dhe ekonomisë, viteve të kaluara, e ka tejkaluar edhe numrin 50."Kjo praktikë sivjet do të ndërpritete.Është momenti i fundit që nxënësit të orientohen aty edhe ku e kanë vendin.Do të zbatohet me përpikëri kriteri i suksesit dhe numri i pikëve nga testi i arritshmërisë.Në drejtimet ku konkurenca është e lartë do të regjistrohen ata nxënës që i plotësojnë këto kritete, e kjo vetëm për ta rritur cilësinë në mësimdhënje dhe mësimnxënëje" ka pohuar Berisha.
Duke i komentruar zërat se rritja e numrit të nxënësve po ndodh në prag të fillimit të vitit shkollor, ku nganjëher po ketë edhe ndikime dhe interferime të ndryshme, Berisha, ka theksuar se praktika që do të zbatohet këtë vit do ta dëshmojë të kundërten, duke thënë se asnjë drejtor shkolle nuk e ka të drejtën të bëjë asnjë regjistrim të vetëm."Secili në vendin e vet.Drejtorët nuk kanë të drejtë t’i thejnë kriteret.Lëshime do të ketë vetëm për familjet e dëshmorëve" tha Berisha.
Ndryshe, janë 2320 semimaturant që pritetet të përfshihen në procesin e regjistrimit, përfshirë këtu edhe 137 nxënës që tashmë njihen si përësritës, e të cilëve u është siguruar mundësia e vazhdimit të shkollimit.Zyrtarët kanë apeluar tek prindërit që bashkarisht me fëmijët e tyre të përcaktohen për drejtimet, ngase ata më së mirë edhe i dijën potencialet e fëmijëve të tyre."Prindërit i dijnë më së miri potencialet e fëmijëve të tyre, për këtë arsye edhe kërkojëm përkrahjen e tyre në procesin e regjistrimit të nxënësve.Apelojmë tek ta që fëmijët t’i orientojnë aty ku edhe mund t’i arrijnë rezulatetet më të mira"theksoi drejtori DKA-së, Agim Berisha.
Në komunën e Ferizajt funksionojnë shtatë shkolla të mesme publike dhe një kolexh privat.Prej tyre, dy shkolla profesionale, ajo e mjekësisë dhe e muzikës kanë karakter regjional.Në bazë të kalkulimeve që ka bërë Drejtoria e Arsimit në Ferizaj, këto shkolla kanë kapacitete të bollshme të absorbojnë këtë numër të semi-maturantëve.
Që nga dita e nesërme do të fillojë regjistrimi i nxënësve në shkollim të mesem.Kështu kanë bërë të ditur këtë të enjte zyrtarë të drejtorisë komunale të Arsimit në Ferizajt.
