Sipas drejtoreshës së Urbanizimit Qazime Vatës , deri më tani në këtë drejtori janë bërë vetëm 20 kërkesa, ndërsa shumica e lokaleve në qytetin e Ferizajt i kanë vendosur verandat e tyre pa leje përkatëse .’’Prej tyre vetëm dhjetë i kanë kryer të gjitha obligimet komunale, ndërkaq nëntë lokale hoteliere kanë bërë kërkesë dhe asnjëherë më nuk janë lajmëruar për t’i përfunduar taksat komunale dhe një kafiteri ka lidh kontratë me Drejtorinë e Financave për shfrytëzim të hapësirës publike por nuk ka kryer obligimet në drejtorinë e Urbanizmit’’, ka thënë drejtoresha Vata .
Është bërë e ditur që çdo objekt që vendoset në zonë urbane, por edhe asaj rurale për shfrytëzim të hapësirës publike duhet të merret leja konform normave të përcaktuara dhe do të thotë se duhet të paguhen obligimet të cilat janë ndaj komunës. ‘’Ne kemi dorëzu evidencën në Drejtorinë e Inspektoratit dhe besoj që ata do të fillojnë procedurat konform ligjit për ata që i kanë vendos ato objekte dhe po i shfrytëzojnë pa leje ‘’,është shprehur Vata.
Në bazë të rregullores për tarifa dhe ngarkesa të aprovuar në Kuvendin e Komunës së Ferizajt , është përcaktuar se tarifa për shfrytëzim të hapësirës publike në zonën e parë të qytetit , ku edhe shtrihen këto objekte është 4 euro metra katrorë , ndërsa në Drejtorinë e Urbanizmit vendosja e verandës është taksa prej 3.50 euro cent për metër katrorë.
Lokalet hoteliere në qytetin e Ferizajt, në rrugët më të frekuentuara nga ana e qytetarëve, kanë filluar të vendosin verandat e tyre. Por, shumica prej tyre nuk kanë lejet përkatëse për vendosjen e verandave, leje kjo e cila duhet të merret në Drejtorinë Komunale të Urbanizimit, Pronës dhe Gjeodezisë.
