7 Marsi-Dita e mësuesit ka tubuar të mërkurën në Ferizaj, mësues, nxënës e veteranë të arsimit, të cilët me dekada bartën peshën e organizimit dhe funksionimit të sisitemit arsimor të këtushëm.Në një akademi solemne kushtuar kësaj dite me rëndësi, është thënë se shkolla shqipe ka një histori të lashtë dhe se Korça, qyteti ku u hapë shkolla e parë shqipe para 125 vjetëve, për nga rëndësia kombëtare, lirisht mund të krahasohet me Prizrenin, Manastirin e Vlorën. Nënkryetari i komunës së Ferizajt, Besim Zymberi, ka thënë me këtë rast se shkolla shqipe ka një histori më të lashtë se sa ajo e 7marsit.Sipas tij, lashtësia shihet në madhështien e pleqëve tanë, të cilët dinin të organizonin shkollën e tyre, por për shkak të pushtimeve dhe armiqëve të shumtë, shpesh herë rezulatet e kësaj shkolle përvetësoheshin nga të tjerët edhe në aspektin e arritjeve shkencore."Pleqët tanë të urtë ditën që shkollën ta fusin në ambientin familjarë, duke organizuar atë nëpër odat mikpritëse, me të vetmin mision që gjatë shekujve të mbajë gjallë mbijetesën fizike të qytetërimit tonë" tha Zymberi .Një segment të veçant në këtë akademi, kanë zënë edhe emrat e atyre që për shekuj e mbbjtën gjallë frymën e arsimimit të shumë brezave, duke përmendur me këtë rast edhe patriotët dhe mësuesit e parë si Pandeli Sotirin, Papa Kristo Negovanin, Konstadin Kristoforidhin, Naim e Sami Frashërin, Mati Logorecin, Shtjefën Gjeçovin, e deri te Zekrija Rexha e Ibrahim Fehmiu.
"Profesioni i mësuesit përfaqëson misionin e shenjët për ngritjen e brezave të ardhshëm" ka thënë Besim Zymberi
Edhe drejtori i Drejtorsië së Arsimit, Agim Berisha, ka spikatur një kronologji të ecjes dhe rritjes së shkollës shqipe, ndërsa në veçanti është ndalur tek të arriturat e arsimit në komunën e Ferizajt, duke thënë se zhvillimet në arsimin ferizajas kanë ndjekur të njëjtat rrjedha sikurse arsimi në të gjitha trojet shqiptare.Ai është ndalur tek organizimi i arsimit pas luftë së dytë botërore, duke i atribuar meritat mësuesve veteran Munish Ramadani dhe Shaban Vata, të cilët për vite bartën barren e mbajtjes gjallë të shkollës shqipe.
Në këtë akademi u shfaq edhe një film dokumentar lidhur me investimet në shkollat e komunës gjatë vitit 2011, ndërsa nxënësit e Shkollës së Muzikës "Çesk Zadeja" dhanë një program të pasur kulturor. U tha se gjatë vitit 2011, në shkollat e komunës janë bërë investime që kapin shumën e rreth 1 milion eurove, duke përmirësuar dukshëm kushtet për punë dhe duke rritur nivelin e cilësisë në mësime.
Nënkryetari i komunës së Ferizajt, Besim Zymberi, ka thënë me këtë rast se shkolla shqipe ka një histori më të lashtë se sa ajo e 7marsit.Sipas tij, lashtësia shihet në madhështien e pleqëve tanë, të cilët dinin të organizonin shkollën e tyre, por për shkak të pushtimeve dhe armiqëve të shumtë, shpesh herë rezulatet e kësaj shkolle përvetësoheshin nga të tjerët edhe në aspektin e arritjeve shkencore
