Ndërtimin e kësaj pike grumbulluese e ka financuar Bashkimi Evropian, përkatësisht zyra ndërlidhëse e këtij komisioni në Kosovë. Me këtë rast ministri i Bujqësisë dhe Zhvillimit Rural, Blerand Stavileci ka theksuar se ky nën sektor ka një rëndësi shumë të madhe i cili ka nevojë për mbështetje të vazhdueshme.”Ne besojmë që në të ardhmen do të ketë mbështetje edhe më të mëdha sektori i bletarisë, për shkak të asaj që dihet se në vendin tonë janë rreth 6 mijë bletarë dhe kjo shifër tregon shumë se sa është kapaciteti i këtij sektori dhe sa është e rëndësishme përkrahja për këta fermer për organizata dhe shoqata të ndryshme, bletarësh në mënyrë që ta avancoj këtë nën sektor, madje për ta treguar rëndësinë e këtij nënsektori se si mbahen familjet tona nga kjo veprimtari “, ka thënë Stavileci, duke theksuar se në asnjë mënyrë nuk do të mungojë përkrahja e blertarëve dhe të gjithë fermerëve të Kosovës.” Unë shfrytëzoj rastin që t’ju informojë sepse është një informatë e mirë shpresëdhënëse të këtij sektori,se bujqësia është vendosur në mesin e prioriteteve do të thotë që kemi dyfishuar buxhetin tonë, dhe tashmë janë 30 milion euro për sektorin e bujqësisë”, ka thënë Stavileci.
Nga ana tjetër edhe përfaqësuesi i Zyrës ndërlidhëse të Komisionit Evropian në Kosovë , Khaldon Sinno, e ka vlerësuar tejet lart këtë projekt të pikës grumbulluese të mjaltës. “Jam shumë i kënaqur që sot po inkuadrojmë një projekt të vogël, por i cili ka rëndësi shumë të madhe. Siç e dini në brendësin e Bashkësisë Evropiane zhvillimi i bujqësisë është një projekt mjaft i rëndësishëm, për Kosovë ka një rëndësi shumë më të madhe për shkak se paraqet një zhvillim ekonomik për të ardhmen”, ka thënë Sinno.
Ndërkaq, kryetari i Komunës së Ferizajt, Bajrush Xhemaili, ka falënderuar Komisionin Evropian, dhe ministrinë e Bujqësisë që vazhdimisht po ndihmonë fermerët.”Unë vërtet u jam mirënjohës që çdo herë po mundoheni të ndihmoni fermerët në forma të ndryshme. Edhe ky projekt i pikës grumbulluese të mjaltës që po bëhet në Komogllave vërtet është punë shumë e madhe “ka thënë Xhemaili.
Ndërkaq kryetari i Shoqatës së bletarëve Nehru Salihu, ka folur rreth historikut të themelimit të kësaj shoqate. Ky projekt ka kushtuar rreth 10 mijë euro.
Këtë të enjte në Komogllavë të Ferizajt është bërë inaugurimi i pikës grumbulluese të mjaltës. Në këtë ceremoni, morri pjesë kryetari i Komunës së Ferizajt, Bajrush Xhemaili, ministri i Bujqësisë, Blerand Stabileci, zv.ministri i Bujqësisë, Pylltarisë dhe Zhvillimit Rural, Xhabir Morina, si dhe përfaqësues të Komisionit Evropian.
