Ndarja e medaljeve dhe mirënjohjeve u zhvillua në sheshin kryesor “Adem Jashari” në Ferizaj, ku i pranishëm ishte edhe kryetari i komunës së Ferizajt, Agim Aliu i cili me këtë rast u ka shprehur mire se ardhje dhe ju ka dëshiruar suksese edhe ne etapën e fundit. “Mirë se erdhët në qytetin e Ferizajt, qytetin e tretë të Republikës së Kosovës, në qytetin e traditës së çiklizmit, por edhe të sporteve tjera, por në mënyrë të veçantë çiklizmit. Ju dëshiroj suksese edhe të mëtutjeshme në garë, pra në etapën e re të garës suaj “Tour de Francë” për të dëshiruar suksese të reja në arenën ndërkombëtare që unë besoj shumë qe ju do të keni suksese”, ka thënë Aliu.
Ndërsa , kryetari i Federatës së Çiklizmit, Avni Nuha u shpreh i kënaqur me rrjedhën e garave të deritanishme dhe është shprehur i kënaqur për rezultatet e mira që po arrin garuesit nga Kosova.’Me këto rezultatate duhet të mburret e gjithë Kosovës, pasi që këto rezultate të cilat janë treguar , Federata e Çiklizmit me çiklistët e vet në histori të Federatës është suksesi më i madh që kemi arritur, sepse kemi vendin e parë si ekipe dhe pretendojmë të fitojmë edhe në mënyrë individuale sepse është rezultati shumë i mirë”, ka thënë Nuha.
Është ky turni u 12 me radhe i garës së çiklizmit i cili organizohet nga ana e federatës së Çiklizimit të Kosovës “Tour de Kosova”
Në etapën e tretë që u zhvillua dje çiklisti nga Shqipëria, Besmir Banushi doli i pari me kohë 2 orë e 6 minuta e 14 sekonda, i dyti doli Alban Nuha me kohën 2 orë e 7 minuta e 25 sekonda, ndërkaq i treti u radhit Qëndrim Guri me kohë 2 orë e 7 minuta e 55 sekonda.
