11 operatorë të cilët nuk i kanë përfunduar punët brenda afatit janë gjobitur nga komuna e Ferizajt.Kështu ka bërë të ditur sot kryetari i Komunës së Ferizajt, Bajrush Xhemaili. Ai ka thënë se dënimët po shqiptohen që nga viti 2009 për të gjithë operatorët të cilët nuk i kanë përfunduar punët e tyre. “Edhe këtë vite që e kemi lëne pas , nga 95 projekte kapitale të kontraktuara e që gjatë vitit të kaluar kanë përfunduar 90% të punimeve, ndërsa në këtë vit përfundojnë projektet e mbetura. Prej gjithe ketyre projekteve të kontraktuara 11 projekte janë përfunduar me vonesë”, ka thënë kryetari Xhemaili , duke shtuar se disa prej tyre kanë pasur nga 12 deri në 201 ditë punë vonesë.” Për çdo ditë vones të gjithë këta operator do të penalizohen me 0.01% nga shuma e kontraktuar, sipas ligjeve ne fuqi”, është shprehur Xhemaili.
Operatorët ekonomik që janë dënuar janë: operatori ekonomik “Anra”, nga Prishtina u ndëshkua me 2 mijë e 848 euro, për 201 ditë vonesë për ndërtimin e shkollës fillore në fshatin Muhofc, operatorit ekonomik “Remicom”, me 938.84 euro, për 66 ditë vonesë për ndërtimin e objektit të banimit kolektiv në fshatin Dubravë, operatori ekonomik “Strassen Tifbau”, me 731.5 euro denim për 35 ditë vonesë në asfaltimin e rrugës së “Qiragjive”, operatori ekonomik “Rahovica Company” me 367. 20 euro për 30 ditë vonesë për kanalizimin dhe ujësjellësin në rrugën “Brahim Ademi”, operatori ekonomik “Remicom”, për 25 ditë vonesë u dënua me 178. 50 euro, për renovimin i QKMF-dy, për meremetimin e shkollës fillore në fshatin Mirashë, operatori ekonomik “Betoni” u denua me 23.25 euro për 15 ditë vonesë, për rrethojën e shkollës fillore “Ganimete Tërbeshi”, operatori ekonomik “Mirjeta shpk”, u dënua për 15 ditë vonesë, për rregullimin e oborrit të shkollës së mesme “Kuvendi i Arbërit” dhe dalje në rrugën “Uran Tinova”, operatori ekonomik “Mirjeta shpk” u dënua me 39. 90 euro për 15 ditë vonesë, për ujësjellësin në fshatin Neredime e Epërme, operatori ekonomik “Rahovica Company” për 15 ditë vonesë u denua me 67.65 euro, për asfaltimin e rrugës së “Elbasanit”, operatori ekonomik “Begisholli” për 15 ditë vonesë u denua me 96.72 euro dhe për asfaltimin e rrugës “Aleksandër Moisiu”, operatori ekonomik “Eskavatori”, u denua për 5 ditë vonesë me 9 euro dënim.
Për dy kompanitë që janë vonuar më së shumti “Anra”, nga Prishtina dhe kompania “Remicom”, kryetari Xhemaili ka bërë të ditur se këto do të dërgohen në organin shqyrtues të prokurimit në Prishtinë. “Sipas rregullit do të duhej që të denonin me masat të cilat janë të parapara me ligj. E ato masa janë më të mëdha se këto që janë të parapara në nivel komunal. Besojmë që do t’ua ndalojnë që mos të konkurojnë për një kohë”, ka thënë Xhemaili.
Që nga viti 2009, kryetari i Komunës së Ferizajt Bajrush Xhemaili, ka filluar që kompanitë që nuk i kryejnë punët sipas afatit të caktuar e të paraparë t’i ndëshkon. “Në filllim i kemi lutur, që të shohin se po e dëmtojnë qytetarët me ato vonesa, e më pas nga viti 2009 kemi fillur me denime”, ka thënë Xhemaili, duke bërë të ditur se edhe vitin e ardhshëm nese do të ketë kompani të cilat do të vonohen, edhe ato do të ndëshkohen për të cilat qysh tani kanë indikacione se janë duke u vonuar.
Kryetari i Komunës së Ferizajt, Bajrush Xhemaili, për shkak të vonesave në realizmin e projekteve ka dënuar 11 operatorë për mos kryerje të punimeve brenda afatit kohor.
