Filloristët e kësaj shkolle si shkolla më e suksesshëm në testin e arritshmërisë, tashmë ka qasje edhe në internet në kuadër të kabinetit të Informatikës. Drejtori i kësaj shkolle Arben Aliu, thotë se qasje në internet kanë të gjithë .“Të gjithë nxënësit, por edhe mësimdhënësit e shkollës fillore të mesme të ulët ‘Vezir Jashari”, përmes kabinetit të informatikës kanë qasje të qëndrueshme me internet duke u shfrytëzuar nga nxënësit dhe mësimdhënësit e shkollës sonë. Gjatë kësaj periudhe nën përkujdesjen e Ambasadës Amerikane në Prishtinë u mbajt Ligjërata për trafikimin e qenieve njerëzore, mandej një ligjëratë nga Policia e Kosovës për Kujdesin në Trafik”, ka thënë drejtori Aliu, duke shtuar se shkolla “Vezir Jashari”, është përzgjedhur edhe në projektin Sms Flexy, projekt që synon një lidhje më të shpejtë mësues – prind. ”Shkolla jonë është duke implementuar projektin për gjelbërimin e shkollës me 900 euro nga QPEA dhe CARITAS, po ashtu këto ditë kemi fituar edhe një projekt tjetër për gjelbërimin e shkollës nga Gëte Institut në shumë prej 300 euro. TERRE-s de Homes ka ndihmuar shkollën tone në mjete të konkretizimit në vlerë 200 euro”, tha Aliu.
Në shkollën fillore të mesme të ulët “Vezir Jashari”, tashmë është krijuar edhe klasa e shekulli 21.” Me ndihmën e USAID, e në veçanti me ndihmën e prindërve të dy paraleleve V-1 dhe IX-1 kemi krijuar një klasë të bukur të quajtur Klasa e shekullit 21, dhe me iniciativën e prindërve të paraleles IV-3 është krijuar një klasë e bukur, e cila ende nuk është finalizuar. Gjatë muajit nëntor është realizuar një film interesant “Rrugëtimi i një adoleshenti” të aktruar nga nxënësit e shkollës sonë, të udhëhequr nga mësimdhënësi Zenel Shala film që do të konkurojë në festivalin Junior Oscar në Prishtinë në kuadër të USAID-it. Po ashtu në mesin e nëntorit të këtij viti paralelja V-1 me mësuesen Merita Rexhepi ka fituar çmimin e Kosovision Contest në vlerë prej 500 euro, ku gjatë muajit mars do ta realizojë projektin për krijimin e një kino-teatrit në shkollën tone”, është shprehur Aliu.
U bë e ditur se grupi dramatik i kësaj shkolle “Vitoreja”, me filmin e shkurtër “Rrugëtimi i një adoleshenti” ka zënë vendin e parë film i cili konkurroi në festivalin Junior Oscar – duke zënë vendin e parë në Kosovë si filmi më i mirë në gjuhën shqipe.
Nxënësit e kësaj shkolle kanë treguar rezultate të mëdha në të gjitha sferat arsimore
