Në këtë debat morën pjesë një numër i vogël i qytetarëve, por edhe drejtues të Bashkësisë islame në Ferizaj, i përfaqësuar nga kryetari i saj, por edhe bashkëpunëtorë të tjerë. Në këtë debat drejtoresha e Drejtorisë së Urbanizmit, Pronës, Gjeodezisë dhe Kadastrit Qazime Vata ka thënë se kjo zonë do të jetë një zonë urbane në të cilën është duke u hartuar plani rregullues urban .Debatin e kemi ftuar pas kërkesë që kanë bërë drejtues të Bashkësisë Islame për ndërtimin e xhamisë në këtë pjesë të qytetit. E pamë të arsyeshme që të diskutojmë rreth kësaj çështje në mënyrë që edhe qytetarë të thonë fjalën e tyre, para se të vendoset për një projekt të tillë”,ashtu siç na obligon edhe Ligji për Planifikim hapësinor, ka thënë Vata.
Në anën tjetër disa nga qytetarët pjesëmarrës në këtë debat kanë dhënë edhe vërejtjet e tyre, duku theksuar se nuk lejojnë vendosjen e xhamisë në lagjen e tyre.”Ne kundërshtojmë ndërtimin e xhamisë, në atë pjesë më mirë të rregullohet ndonjë ambulantë, apo çerdhe se sa xhamia, se nuk ka shumë njerëz që e vizitojnë xhaminë dhe se xhamia në lagjen "Hasan Prishtina" është shumë afër laxhes tonë ”, ka thënë Ruzhdi Azemi, banorë i asaj lagjeje.
Por, ka pasur edhe të atillë që kanë thënë se ndërtimi i një xhamie është e nevojshme në këtë pjesë të qytetit.”Këta po kundërshtojnë ndërtimin e xhamisë, se nuk e din se sa ka xhemat dhe se sa njerëz e vizitojnë”, ka thënë njëri nga qytetarët pjesëmarrës në këtë takim.
Në fund të këtij debati u dakordua që tash për tash të pezullohet kërkesa e Bashkësisë Islame deri në mbajtën e debatit të ardhshëm me qytetarët e kësaj zone dhe bashkërisht të vendosim për lokacionin e duhur për ndërtimin e xhamisë.
Këtë të hënë është mbajtur debati me banorët e zonës së 7 urbane (zona e ngusht e cila kufizohet me rrugët : “Zejnullah Zejna”, “Luigj Gurakuqi”, “Tetova” si dhe rruga “Melihate Ajeti”).
