Drejtori i Drejtorisë komunale të Administratës dhe Personelit, Vesel Zhinipotoku është shprehur se në krahasim me periudhën e njejtë të vitit të kaluar del se këtë vit ka më pak kwrkesa nga ana e qytetarëve për nxjerrjen e dokumenteve të ndryshme.”Në vitin që sapo e lamë pas në të njëjtën periudhë kemi lëshuar 4405 certifikata nga libri amzë i të lindurve, ndërsa këtë vit kemi lëshuar 4138, nga libri amzë i të martuarve në vitin e kaluar janë lëshuar 1051, ndërsa këtë vit janë lëshuar 1061, po ashtu janë lëshuara edhe certifikata nga libri amzë i të vdekurve ku në vitin e kaluar në periudhën janar- shkurt janë lëshuar 208, ndërkaq këtë vit vetëm 175 certifikata të tilla”, ka bërë të ditur drejtori Zhinipotoku, ndërsa ka shtuar se janë lëshuara edhe certifikata të statusit martesor, certifikata të personave që janë në jetë, certifikata për bashkësinë familjar, certifikata për dëshmi vdekje, certifikata për vendbanim për kapaciteti martesor, certifikata për shtetësi, certifikata për vendbanim për vendorët, por edhe certifikata për vendbanim për të huaj. “Në mënyrë total del se në vitin që lamë pas janë lëshuar 10669, ndërsa gjatë këtyre dy muajve janë lëshuar 9858”, tha Zhinipotoku.
Drejtues të Drejtorisë Komunale të Administratës dhe Personelit në Ferizaj, po ashtu kanë bërë të ditur se regjistrime në librin amzë gjatë këtij viti janë bërë 2292 regjistrime. Drejtori i kësaj drejtorie ka theksuar faktin se edhe këtë vit ka pasur kërkesa për humbje të shtetësisë, si dhe fitimin e saj. “Përderisa në vitin e kaluar në të njëjtën periudhë kemi pasur 22 kërkesa për humbje të shtetësisë së Republikës së Kosovës, këtë vit kemi vetëm 14 kërkesa të tilla, ndërsa vitin e kaluar kemi pasur 5 kërkesa për fitim të shtetësisë së Republikës së Kosovës, ndërkaq deri më sot kemi vetëm 2 kërkesa të tilla”, ka potencuar këtë fakt numri një i Administratës dhe Personelit Vesel Zhinipotoku.
Në sektorin e gjendjes civile në Ferizaj, janë lëshuar certifikata edhe për lindje, martesa dhe vdekje jaht Kosovës.” Gjithsej një vit më parë në përdhunë janar-shkurt janë certifikata të tilla 131, ndërsa këtë vit ky numër është në rritje ku është 501”, tha Zhinipotoku.
Sektori i gjendjes civile në Ferizaj, tashmë është i pajisur edhe me certifikata të lindjes, për dallim nga viti i kaluar që kishte probleme të këtij lloji. Ndryshe është bërë e ditur se certifikatat e lindjes, të vdekjes dhe ato të martesës tanimë në bazë të ligjit do të jenë të paafatizuara. Drejtues të Administratës dhe Personelit në Ferizaj u bëjnë thirrje të gjithë qytetarëve të cilët posedojnë certifikata të lindjes pas datës 27 shtator të vitit 2007 edhe ato janë valide dhe vlejnë për të gjithë.
Ne sektorin e gjendjes civile në Ferizajt, gjatë periudhës janar- shkurt janë lëshuar rreth 9858 certifikata të ndryshme.
