Qytetarët e Komunës së Ferizajt, kanë filluar të vetëdijesohen që të marrin leje ndërtimore në Drejtorinë Komunale të Urbanizmit, para se të ndërtojnë objektet e tyre. Vetëm gjatë këtij viti në këtë drejtori janë paraqitur rreth 141 kërkesa. Sipas drejtoreshës së Drejtorisë së Urbanizmit, Pronës dhe Kadastrit Qazime Vatës, gjatë këtij viti janë lëshuar leje nga më të ndryshmet.”Prej tyre janë lëshuar 18 leje për ndërtesa kolektive, 28 për ndërtesa-shtëpi individuale, duke përfshirë këtu aneks ndërtimet dhe meremetimet dhe 20 leja i janë lëshuar Drejtorisë për Planifikim, Zhvillim dhe Rindërtim, ku përfshihen të gjitha projektet e meremetimit të rrugëve, apo në të gjitha projektet që ka investu komuna në infrastrukturë në përgjithësi. Ndërsa 75 leje të tjera janë njoftime, rekrutime të kërkesave, vazhdim të lejeve për objektet të karakterit të përkohshëm, pano, reklama ,kioske dmth të gjitha këto janë të tjera që nuk janë objekte ndërtimore, leje të përkohshme janë këto 75”, ka thënë drejtoresha Vata.
E para e Drejtorisë së Urbanizmit, Pronës dhe Kadastrit, Qazime Vata, thotë se viteve të fundit para se të paraqesin kërkesën shumica e qytetarëve drejtohen në këtë drejtori për njoftim paraprak se për çka mund ta shfrytëzojnë atë zonë për çfar objekti.”Ndoshta vlen me theksu se edhe këto ndërtimet e mëdha kryesisht kolektivet konsideroj se të gjitha janë duku u punuar me leje do të kryhen punët , madje sa në teren ka dalje jashtë lejeve që marrin prej neve dhe tejkalim të lejeve me mbindërtime ajo madje është çështje krejt tjetër”, është shprehur ajo.
Për më tepër në Drejtorinë e Urbanizmit, thonë se në bazë të ligjit secili qytetarë duhet të ketë leje ndërtimore.”Ligji i ndërtimit i cili është në fuqi i obligon qytetarët që para se të fillojnë të ndërtimin, gjithmonë duhet të lajmërohen tek Drejtoria e Urbanizmit për pajisjen me kushtet e ndërtimit dhe lejet ndërtimore”, tha Vata, ndërsa shtoi se ky lidh i ndërtimit i obligon të gjitha ata investitor që duan të ndërtojnë , 8 ditë para se të fillojnë të ndërtojnë të lajmërojnë organin kompetent për vendosjwn e pikave në lokacionin në të cilin do të ndërtohet.
U bë e ditur se procedurat për marrjen e lejes ndërtimore janë të definuara në bazë të ligjit mbi ndërtimit.”Paraprakisht duhet të aplikohet për leje urbane ku pala duhet me dëshmu se është pronar i tokës për leje urban , apo që e ka tokën me një kontratë të posaçme që e ka në shfrytëzim me qira, fletën poseduese dhe mandej i caktohen parametrat se sa ai mund të ndërtoj me leje urbane vija e ndërtimit, etazhiteti dhe orientohet do të thotë, qytetari që ta plotësojë dokumentacionin për leje ndërtimore me projektin kryesor me pëlqimin ,prej ndërmarrjeve publike, për objektet të cilat janë më të mëdha dhe në interes publik, po ashtu kërkohet edhe pëlqimi prej mbrojtjes kundër zjarrit për objektet mbi 800 metra katror, kërkohet me pas edhe evidentimin e projektit kryesor dhe pasi që të gjitha këto procedura të kompletohen me një kërkesë të veçantë për leje ndërtimi, atëherë merret kontrollohet projekti prej zyrtarëve tanë dhe pas kontrolleve të aprovimit përfundimtar nga zyrtarët kompetent inxhinieri i cili është për kontroll dhe për dhënie të lejes lënda dorëzohet tek zyrtari juridik, ku ai do t’i kontrolloj të gjitha procedurat në bazë të ligjit të ndërtimit a janë përcjell i ipet ajo fletëpagesa që duhet të paguhet taksa komunale dhe pasi të gjitha këto të plotësohen atëher llogaritet që ka përfunduar procedura dhe lëshohet aktvendimi përfundimtar i lejes së ndërtimit”, tha Vata.
Vetëm gjatë këtij viti Drejtoria Komunale e Urbanizmit, Pronës dhe Kadastrit, ka shqyrtuar 141 kërkesa , prej tyre janë lëshuar 18 leje për ndërtesa kolektive, 28 për ndërtesa-shtëpi individuale, duke përfshirë këtu aneks ndërtimet, meremetimet dhe 20 leja i janë lëshuar Drejtorisë për Planifikim, Zhvillim dhe Rindërtim.
