Fehmi Kamberi nga fshati Dardani, ka kopshtin më të mirë në Komunën e Ferizajt. Ai ka më shumë se 10 ari tokë të mbjellura me lule dhe bime nga më të ndryshmet, ku përveq kopshtin e tij që ka zbukuruar ai një gjë të tillë e ka bërë edhe për skaj rrugës kryesore të këtij fshati. Pikërisht për këtë gjest që ka bërë , kryetari i Komunës së Ferizajt, Bajrush Xhemaili, këtë qytetarë e ka nderuar me mirënjohje për kontributin e tij të dhënë për hapësirat e gjelbëruara. Me këtë rast kryetari Xhemaili, ka thënë se kjo mirënjohje është ndarë dhe është parë si nevojë e madhe për vetëdijesimin e të gjithë qytetarëve.”Në si komuna kemi marr qëndrim që ta shpërblejmë me mirënjohje qytetarin që ka kopshtin më të mirë dhe sigurisht që Fehmi Kamberi, që morri këtë mirënjohje nga komuna do të jetë një shembull i mirë edhe për qytetarët ,por edhe për të nxitë të tjerët që të ndjekin rrugën e tij në aspektin e rregullimit sa më të mirë të kopshteve ,nëpër oborret e tyre, por edhe për të dhënë një shembull siç ka dhënë Fehmiu , i cili ka mbjellur lule edhe jaht pragut të shtëpisë së tij, këtë ka mundur të mos e bëj, por e ka bërë për banorët e fshatit Dardani, por edhe të tjerët që kalojn këtu dhe ka dhënë një shembull të shkëlqyeshëm se si duhet të punohet këtu, se si qytetarët duhet të sillen karshi natyrës, por edhe ambientit se ku jeton vet”, ka thënë Xhemaili , ndërsa ka shtuar se ka qenë i fasionuar me këtë ambient.” Vërtet unë jam i fasionuar më këtë qytetarë dhe na ka nxit që të japim edhe mirënjohjen çdo vit e cila do të jetë tradicionale dhe në mënyrë që qytetarët të shohin dhe të jenë shembuj në vazhdimësi se si mbrohet natyra”, është shprehur kryetari i Komunës së Ferizajt, Bajrush Xhemaili.
Numri një i qeverisë lokale të Ferizajt, Bajrush Xhemaili, ka thënë se në një të ardhme të afërt edhe qyteti i Ferizajt çdo ditë e më shumë po merr një pamje krejtësisht tjetër. “Ne jemi duku dhënë një shembull në raport më qytete tjera, për mbrojtjen e ambientit, ku kemi marr shpërblim si komuna e parë e Republikës së Kosovës prej 45 mijë dollar. Hapësira të gjelbëruara kemi bërë më së shumti në Kosovë”ka thënë Xhemaili.
Në kopshtin e Fehmi Kamberit, i cili jeton në Zvicër, ishin të mbjellura një llojllojshmëri të luleve, bimëve të ndryshme, por në kopsht kishte edhe objekte të tjera rekreative. Kamberi ka thënë se këtë kopsht e ka qysh para luftës, me t’a rindërtuar sërish pas dëmeve të luftës. Duke treguar edhe mënyrën e mirëmbatjes së kopshtit Kamberi ka thënë se për të kujdeset familja e tij, por për ta mirëmbajtur atë nuk është edhe aq investim i madh. “Për mirëmbajtje të kopshtit dhe rregullim, nuk është edhe aq investim i madh, por duhet mund më i madh. Investimi bëhet një herë, a mund duhet tërë vitin”, ka thënë Kamberi.
Edhe Kamberi, për gjelbërimin që ka bërë jasht oborrit të tij ka thënë se është shumë i rëndësishëm. “Më shumë ka rëndësi kjo pjesë. Më këtë mundohem t’u jap shembull kalimtarëve, që me pak investime mund të bëhet diçka e mirë, por edhe të mbrohet ambienti”, ka thënë Kamberi duke shtuar se do të ruajë dhe kultivojë me përkushtim këto hapësira të gjelbërta.
Inicimin e identifikimit të këtij kopshti më të bukur në komunën e Ferizajt e bëri Organizata Joqeveritare “Iniciativa Rinore Përparimtare”.
Fehmi Kamberi nga fshati Dardani, është shpërblyer me mirënjohje nga kryetari i Komunës së Ferizajt Bajrush Xhemaili, për kopshtin më të mirë.
