Me këtë rast Kryetari i Komunës së Ferizajt, Agim Aliu, ka uruar drejtuesit e shkollës, nxënësit dhe mësimdhënësit me rastin e përvjetorit të tretë të kësaj shkolle e cila me nder dhe pietet mban emrin e dëshmorit “Astrit Bytyqi".
“Është ky një moment për t’ju përgëzuar për të gjitha suksese dhe angazhime, është një moment për t’ju falënderuar për të gjitha ato angazhime që ju i bëni në këto ditë të rëndësishme për Republikës e Kosovës dhe Ferizajn. Të jetë një ditë e lavdishme siç është një ditë e mirë me diell, për shkak të asaj se është bërë një sakrifice e gjatë dhe e mundimshme për të ardhur në këto ditë të mira dhe të bukura”, ka thënë Aliu, ndërsa ka shtuar se dëshmorët kanë vetëm ditëlindje dhe nuk kanë ditë të vdekjes.
“Sot është dita e lindjes së dëshmorit Astrit Bytyqi, sepse dëshmorët kanë vetëm ditëlindje, nuk kanë ditë vdekje sepse ata kanë ra, që ne të jetojmë. Populli shqiptar, qytetarët e Republikës së Kosovës, për vite, dekada, shekuj sepse gjithmonë kishin luftuar që të mbijetoni, por përfunduan ato epoka të mbijetesës”, është shprehur Aliu.
Të pranishmit në këtë manifestim i ka përshëndetur edhe i pari i arsimit në Ferizajt, Agim Berisha.
“Kemi ardhur sot që ta nderojmë figurën e këtij atdhetari dhe këtij poeti të shkëlqyeshëm, por pse jo edhe student të dhjetësheve, mund ta nderojmë dhe ta respektojmë, sepse është një ditë e veçantë që t’ju përkulemi kësaj figure të madhe për dëshmorin e kombit për komunën e Ferizajt, prandaj gjithë ju dhe ne ta përkujtojmë ta nderojmë me arsimim dhe me suksese të reja”tha Agim Berisha.
Ndërsa drejtori i shkollës fillore të mesme të ulët “Astrit Bytyqi” në Ferizaj, Ejup Ajvazi, ka treguar një historikë të shkurtër të shkollës dhe ka dhënë edhe planet e tij afatgjate për shkollën në fjalë.
Të pranishmit në këtë manifestim i ka përshëndetur edhe kryetari i Shoqatës së Familjeve të Dëshmorëve Gafurr Bytyqi, njëherësh prindi i dëshmorit Astrit Bytyqi.
Me këtë rast është dhënë edhe një program i pasur kulturo-artistik i përgatitur nga nxënësit e kësaj shkolle.
Në këtë manifestim morri pjesë Kryetari i Komunës së Ferizajt, Agim Aliu, Drejtori i Drejtorisë së Arsimit në Ferizaj, Agim Berisha, si dhe shumë mysafirë të tjerë.
