Kontigjenti i dytë i ndihmave, të mërkurën niset nga Ferizaj për Skkodër. Ndihmat këto të mbledhura nga bizneset e Ferizajt. Këtë herë shkodranët do të ndihmohen me gjëra ushqimore dhe veshmbathje për ata banorë të cilët kanë pësuar nga vërshimet e fundit. Anëtarë i komisionit komunal për grumbullimin e ndihmave Shkuri Avdyli ka falenderuar të gjitha bizneset të cilat u treguan shumë solidare në dhurimin e ndihmave për banorëte prekur nga vërshimet në Shkodër. “Shumë ndërmarrje tregtare që kanë dhuruar sasi të mëdha të veshmbathjes, kryesisht këpucë, ndërsa kanë qenë edhe biznese tjera që kanë dhënë sasi të parave, me të cilat janë siguruar sasi e miellit, patateve, fasules dhe ushqime tjera. Para disa ditësh ne kemi dërguar një kontigjent me ndihma. Nesër do të niset edhe kontigjenti i dytë. Bizneset e Ferizajt i janë përgjigjur në masë të kënaqshme thirrjes së kryetarit të komunës, Bajrush Xhemailit, për të ndihmuar banorët e Shkodrës”, ka thënë Avdyli.
Komisioni komunal për grumbullimin e ndihmave për banorët e Shkodrës deri diku është shprehur i kënaqur me përgjigjen e bizenseve të Ferizajt, sado që thonë se ka mundur të bëhet më shumë. “Jemi të kënaqur, sado që ka mundur të ketë më shumë ndihma. Vëllezërit tanë atje si kurrë më parë kanë nevojë për gjithçka. Por edhe me këto ndihma që kanë sjellë jemi të kënaqur. Ka qenë një aksion vullnetar dhe ka dhënë rezultate”, ka thënë Zymer Syla anëtar i komisionit komunal për grumbullimin e ndihmave.
Aksioni “Ferizaj ndihmon Shkodrën” është aksioni humanitar që ka filluar para disa ditëve dhe i cili ende do të jetë i hapur dhe donacionet e bizenseve do të jenë të mirëseardhura edhe në të ardhmen.
Bizneset e Ferizajt i janë përgjigjur në masë të kënaqshme thirrjes së kryetarit të komunës, Bajrush Xhemailit, për të ndihmuar banorët e Shkodrës”, ka thënë Avdyli.
