Në Ditën ndërkombëtare të të sumurëve me diabet, e njohur në popull si sëmundja e sheqerit, drejtori i shëndetësisë në Ferizaj, Burim Karameta i uroi pacientët me diabet për një mirëqenie të avancuar. Siç tha drejtori Karameta, kjo sëmundje fatkeqësisht po shënon rritje.
Në botë sot numërohen 366 milion diabetikë dhe në vitin 2030 mendohet të jenë 520 milionë diabetikë, apo 6,3 % e popullsisë së botës të jetë prekur nga diabeti.
Sipas OBSH , diabeti shkakton çdo vit 5% të vdekjeve globale dhe mendohet se vdekjet nga diabeti në 10 vitet e ardhshme do të rriten me 50%. Në çdo 10 sekonda në botë shtohen dy njerëz të tjerë me diabet dhe se çdo 10 sekonda vdes një njeri nga shkaqe që lidhen me diabetin. 80% e njerëzve me diabet jetojnë në vendet me të ardhura të pakta dhe të mesme dhe mendohet se vdekjet nga diabeti në 10 vitet e ardhshme në këto vende do të rritet me 80%. Në vendet e zhvilluara diabeti dhe numri më i madh i diabetikëve haset në mosha mbi 65 vjeç. ndërsa në vendet në zhvillim diabeti dhe numri më i madh i diabetikëve haset në moshat 45-64 vjeç,por vitet e fundit diabeti tip 2 po takohet më shpesh edhe në moshat 30-40 vjeç.
Që nga orët e hershme këtë të premte qytetarët ferizajas, kanë bërë matjen e sheqerit në një tende ne sheshin e qytetit e organizuar me rastin e ditës ndërkombëtare të diabetit.
