Me këtë rast nënkryetari i Komunës së Ferizajt, Xhavit Zariqi e ka pranuar se ende nuk është në nivel të kënaqshëm pastërtia nëpër hapësirat publike në Ferizaj, por premtuan se do t’i shtojnë angazhimet për të përmirësuar gjendjen. Udhëheqja komunale u zotua se së shpejti do ta funksionalizojë edhe rregulloren që sanksionon qytetarët për hedhje të mbeturinave vend e pavend.
Në ditën e Tokës të rinj ferizajas në mënyrë vullnetare, por të koordinuar nga qendra rinore mbollën lule e drunj dekorativë në ambientet para qendrës së kulturës. Me këtë rast u bënë thirrje institucioneve përgjegjëse për angazhim më të madh rreth pastërtisë dhe qytetarëve për vetëdije më të lartë në ruajtjen e hapësirave të gjelbërta.
Komuna e Ferizajt ka dy muaj që ka publikuar njoftimet për grumbullimin e mbeturinave nga kompania "Pastërtia" me orar të ri: çdo ditë nga ora 8 deri në 9 në mëngjes dhe në mbrëmje nga 20 deri në 22.
Aktiviteti i ditës së sotme është organizuar nga Drejtoria e Shërbimeve Publike dhe Emergjencës.
Me simbolikën e ngritje së balonave, heqjen e mbeturinave rreth hekurudhës në qendër të Ferizajt që bëhet tradicionalisht në këtë datë dhe mbjellje të disa luleve e drunjve dekorativë u shënua Dita e Tokës.
