Kryetari i Komunës së Ferizajt, Agim Aliu, këtë ditë e ka quajtur si ditë shumë të rëndësishme për faktin se kjo ditë lidhet edhe me përvjetorin e dy dëshmorëve të tjerë, Driton Islamit-Toni dhe Sadik Begës-Murtaja.
“Para se të vinim këtu ishim në homazhe në memorialin e dëshmorëve për të bërë nderimet më të lartë për dy dëshmorët Tonin dhe Murtajën, dy heronjtë tanë. Ata 14 vite më parë ranë në altarin e lirisë, ranë në betejën e Silvovës, ku kishte rëne edhe 118 vjet më parë Mic Sokoli dhe kjo lidhje në mes betejës së Slivovës, Mic Sokolit dhe betejës së dëshmorëve tanë Tonit dhe Murtajës tregon më së miri përpjekjet tona më të gjata për të ardhur në ditë feste, në ditë kremtimi dhe që nga ato kohë që ne si popull i kaluam me dekada e shekuj dhamë shumë, dhamë djersen, dhamë mundin, dhamë gjakun, dhamë gjymtyrët për të ardhur deri te kjo ditë për të festuar këtu, prandaj ju përkon të gjithë atyre brezave që sakrifikuan që ne do të jemi të lirë dhe të pavarur”, është shprehur kryetari Aliu, duke thënë se populli shqiptar gjatë këtyre shekujve sakrifikoi breza të shumtë, por ajo që i dha fund ishte Ushtria Çlirimtare e Kosovës.
“UÇK-ja vuri kapakun të gjitha atyre që nuk ishin shpaguar me herët, jo për fajin e atyre, por pse në tavolinat ata që vendosëshin kishim qenë më të fuqishëm. Kështu Ushtria Çlirimtare e Kosovës i vuri fundin atyre përpjekjeve, atyre sakrificave për të bërë lirinë e vendit dhe për të bërë këtë ranë shumë dëshmorë në mesin e tyre edhe Kemajl Hetemi i juaj, ranë shumë dëshmorë për lirinë e vendit, por mbeten shumë sfida dhe shumë punë për t’u bërë dhe puna e radhës ishte se si të bëhej Pavarësia e Republikës së Kosovës dhe falë përkushtimet të të gjithë lidershipit të Kosovës, me 17 shkurt të vitit 2008 ne e shpallëm Pavarësinë e Republikës së Kosovës”, ka thënë Aliu.
Ndërsa drejtori i shkollës “Kemjal Hetemi” Kadri Ramadani, para të pranishmëve ka dhënë një historik të shkurtër të kësaj shkollë.
Të pranishmit në këtë manifestim i ka përshëndetur edhe Kryetari i Shoqatës së Familjeve të Dëshmorëve Gafurr Bytyqi, si dhe babai i dëshmorit Kemjal Hetemi, Ruzhdi Hetemi
.
Në fund është shfaqur edhe një program i pasur kulturo-artistik i përgatitur nga nxënësit e kësaj shkolle.
Në fshatin Rahovicë është mbajtur dita e shkollës ”Kemjal Hetemi”. Ne këtë ditë morri pjesë Kryetari i Komunës së Ferizajt, Agim Aliu, Drejtori i Drejtorisë së Arsimit Agim Berisha si dhe shumë mysafirë të tjerë.
