Prilli i vitit 1981 ishte periudhë e cila ishte paraprijëse për rrjedhën e ndryshimeve në Kosovë. Marshutat e pjesëmarrësve të manifestimit nga oborri i shkollës së mesme teknike “Pjetër Bogdani” ku pjesëmarrës ishin edhe krerë të institucioneve të komunës së Ferizajt si kryetari i Komunës së Ferizajt Bajrush Xhemaili, kanë marshuar drejt qytetit për t’u ndalë tek orëkulla shqiptare në Ferizaj në ballinën e së cilës është zbuluar pllaka përkujtimore kushtuar “Pranverës shqiptare ‘81’. Për të kujtuar përpjkjet e shqiptarëve për t’iu kundërvënë ish –Jugosllavisë Faton Topalli, pjesëmarrës në Demonstratat e vitit 1981 në Ferizaj, ka thënë se në këtë përvjetor, nuk mund të mos përkujtohen ata që me gjakun e ndjersën, mundin dhe qëndrimin heroik, para gjygjeve jugosllave në vitet e më hershme, për gjeneratën e vitit 1981 u bënë burim frymizëmi dhe shembull i sakrificës dhe guximit. Duke i përshëndetur demonstruesit e prill të ’81, Topalli ka thënë se para 30 viteve ishin djem dhe vajza të reja. “Ku dolët në rrugë, ju ishit në dijeni se do të përballeshit me policët serb, tanket e atij pushteti, siç u përballën shokët dhe shoqet tuaja me 26 mars në Prishtinë”, ka thënë Topalli, duke shtuar se edhe pse nuk kishin asnjë armë, populli doli në demonstrata dhe i tha jo pushtetit serb në Kosovë. “Kjo forcë, ky guxim dhe kjo vendosëshmëri mund të spjegohet vetëm me dëshirën e nevojën e madhe të popullit të etur për liri, që edhe në një luftë shumë herë më të pabarabart, përballë me armikun ngriti grushtat kundër tij”, ka thënë Topalli.
Riza Matoshi dhe Sherif Frangu ishin vrarë nga policia serbe në ngjarjet e 3 prillit të vitit ’81 në Ferizaj, ndërsa Afrim Abazi u vra 1 vit më vonë në përpjekje për të organizuar demonstratat e vitit 1982 ,në mënyrën më gjakatare me shumë turtura në burgun e Ferizajt. Kryeari i Komunës së Ferizajt, Bajrush Xhemaili, vitin e kaluar në shenjë kujtimi dhe rrespekti për ta u ka ndarë mirënjohje familjeve të tyre. Ai më ç’rast kishte thëënë se demonstratat e ’81 ishin fillimi i fundit të Jugosllavisë, dhe se ishte kohë kur u intensifikuan veprimet atdhetare me çka kulmoi edhe UÇK-ja, që i priu popullit, që ne ta kemi lirinë
Marshi i pjesëmarrësve të manifestimit ka vazhduar edhe tek stacioni i policisë në Ferizaj. Ndërsa u bënë dhe homazhe tek varrezat e dëshmorëve të UÇK-së në Ferizaj.
Në vazhdën e aktiviteteve për nder të 30 vjetorit të demonstrative të vitit 1981, u mbajt krosi komunal për shkollat fillore dhe të mesme të Ferizajt. Krosi pranveror për nder të kësaj dite organizohet për herë të tetë dhe të gjitha shkollat e ftuara nga qyteti ishin pjesmarrse të këtij krosi.
Në 30 vjetorin e demonstratave të vitit 1981, ditë kur në Ferizaj në shënjë rezistence u organizuan demonstrata për të kërkuar që Kosovës t’i njihej statusi i republikës, Komuna e Ferizaj ka shënuar këtë përvjetor të rëndësishëm.
