"Grupi punues dhe OJQ implementuese e këtij projekt sot kanë caktuar këtë takim, me qëllim që të njoftohen gjitha nivelet me këtë problematikë. në kuadër të këtij projekti ne kemi realizuar debate me nxënës të shkollave fillore dhe të mesme, për arsye se kemi probleme me prerje ilegale dhe zjarre pyjore" tha Hysen Abazi, shef i Departamentit të Pylltarisë në Ministrinë e Bujqësisë.
Abazi ka folur edhe për degradimeve e masivit pyjor nëpër shumë regjione të Kosovës, duke e vlerësuar këtë të jetë një dëm i pariparueshëm i pasurive shtetërore. I vetëdijshëm se prerjet ilegale, sipas tij, bëhen edhe për shkak të gjendjes së rëndë ekonomike, Hyseni ka theksuar se prerjet duhet të bëhen konform normave dhe kritereve për prerje, ndryshe dëmet do të jenë të mëdha.
"Prerje ilegale enorme ka në Rrafshin e Dukagjinit, në Pejë, Deçan, Istog, por as regjionin e Ferizajt nuk duhet përjashtuar nga ky mes. Faktor tjetër janë edhe zjarret në pyje. Ne e dimë se në vitin 2007 kemi pasur zjarre marramendëse" ka thënë Abazi, duke shtuar se gjitha këto probleme janë diskutuar në këtë debat dhe janë nxjerr konkluzione të duhura, për marrje të masave.
Bekim Topalli. menaxher i Agjencionit Pyjor të Kosovës në Ferizaj ka thënë se ka prerje ilegale të pyjeve edhe në komunën e Ferizajt, por këto nuk kanë degraduar skajshëm pyjet. Ai më tepër ka thënë se ka dëmtime të dukshme të pyjeve, por jo ën atë masë për të dhënë vlerësime për një situatë alarmante.
Topalli ka folur edhe për aspektin e zjareve dhe rreziqeve që lidhen me to, por ka nënvizuar edhe pyllëzimin e sipërfaqes prej 5 hektarësh me fidanë si dhe angazhimin 5 punëtorëve sezonal për ruajtje të tyre.
Zyrtarët e Ministrisë së Bujqësisë kanë thënë se një pjesë e përgjegjësive sa u përket pyjeve dhe menaxhimit, së shpejti do t’u kalohen komunave dhe këto të fundit ndodhen në vlugun më të madh të këtij transferi. Ai me këtë rast ka thënë se komunat me pakon e Ahtisarit, janë të obliguara të merren me mbrojtjen e pyjeve, pastaj një pjesë e shfrytëzimit të pyjeve, kompetenca që këto më parë i kishin Agjencionet e Pyjeve.
"Tash këto kompetenca kalojnë në menaxhim të komunave. Deri tani komunat kanë qenë të anashkaluara sa i përket kësaj çështjeje. Rreth 90 për qind komunat do t’i kenë përgjegjësitë për menaxhim të pyjeve, dhënien e licencave për prerje dhe tjera" ka thënë Abazi.
Është mbajtur debat, me qëllim të sensibilizimit të opinionit për rëndësinë dhe shtruarjen e modaliteteve për mbrojtjen e pyjeve nga dëmtimet e ndryshme. Ky projekt i Qeverisë së Kosovës realizohet çdo vit, dhe në fokus ka temat që kanë të bëjnë me këto problematika.
