Në vazhdën e shumë projekteve që është duke realizuar komuna e Ferizajt, është bërë edhe asfaltimi rrugës në lagjen Kaçaj të fshatit Komogllavë.
Për të parë nga afër rrjedhën e asfaltimit të kësaj rrugë mori, pjesë Kryetari i Komunës së Ferizajt, Agim Aliu,Drejtori i Infrastrukturës Ardian Ferizi. Deputeti i Parlamentit të Republikës së Kosovës Elmi Reqica, Sekretari Organizativ i PDK-së Bajrush Xhemajli si dhe shumë qytetarë të fshatit Komogllavë.
Nehat Baftiu banorë i këtij fshati ka thënë se ky projket ka rëndësi shumë të madhe për banorët e këtij fshati.
“Kjo rrugë është shumë e mirë për neve banorëve, por ne kërkojmë që në një të ardhme të afërt, kjo rrugë të lidhet edhe më rrugën e cila të qonë në drejtim të Kampit ushtarak Bonstill”, ka thënë Baftiu.
Nga ana tjetër drejtori i Drejtorisë së Planifikimit, Zhvillimit dhe Rindërtimit në Ferizaj Ardian Ferizi, ka thënë se me këtë projekt nuk përfitojnë vetëm banorët e lagjes Kaçaj, por edhe banorët e tjerë të kësaj ane.
“Me vazhdimin e kësaj rruge dhe me lidhjen e kësaj rrugë me ata të Bonstillit do të përfitojnë edhe banorët e tjerë të Komogllavës dhe do të ketë një lidhje me qytetin e Ferizajt. Është një rrugë që është asfaltuar është 860 metra dhe përveç, projektit të kësaj rrugë kemi bërë intervenime edhe në kanalizime në lagjet të cilat kanë mbetur pa përfunduar në fshatin Komogllavë”, ka thënë Ferzi.
U bë e ditur se vlera e këtij projekti kap shumën rreth 92 mijë euro. Është paraparë që ky projekt të vazhdohet edhe në të ardhmen.
Të dielën në fshatin Komogllavë, pikërisht në lagjen Kaçaj është bërë asfaltimi i rrugës. Për të parë nga afër punimet që po bëheshin në asfaltimin e kësaj rrugë mori pjesë edhe Kryetari i Komunës së Ferizajt, Agim Aliu me bashkëpunëtorët e tjerë.
