Në vazhdën e shumë projekteve që është duke realizuar komuna e Ferizajt, këtë të premtë ka filluar të bëhet asfaltimi rrugës që lidh qytetin e Ferizajt me fshatin Varosh, rrugë kjo e cila deri më tani ka qenë e pa rregulluar. Banorët e kësaj lagjeje thonë se janë të kënaqur me investimet që po bën komuna e Ferizajt, për të bërë një jetë shumë të mirë për ta. Arbër Berisha , banor i kësaj lagjeje thotë se asfaltimi i kësaj rruge ka një rëndësi shumë të madhe për ta. “Kjo rrugë është shumë e mirëseardhur për neve, sepse edhe këtu po rregullohet një infrastrukturë moderne e cila ka një rëndësi shumë të madhe , për neve si banorë të kësaj pjese të qytetit” , ka thënë Berisha. Edhe qytetarja tjetër Naxhie Shefkiu është shprehur shumë e kënaqur me këtë asflatim të rrugës.”Kjo rrugë më herët ka qenë tejet e dëmtuar dhe ka pasur edhe gropa të shumta. Tash jemi shumë të kënaqur që komuna e Ferizajt, po bën rregullimin e kësaj rruge” , është shprehur Shefkiu.
Vlera e këtij projekti kap shumën rreth 35 mijë euro. Komuna e Ferizajt në realizim e sipër ka rreth 28 projekte infrastrukturore , ndërsa nga kjo e mërkurë kanë filluar edhe rreth 19 rrugë të tjera e të cilat janë me participim të qytetarëve.
Këtë të premtë ka filluar të asfaltohet rruga që lidh qytetin e Ferizajt me fshatin Varosh.
