Kanë filluar punimet në rrugën "Rexhep Bislimi", në të cilën rrugë brenda dy vitesh pritet të kryhen një varg punimesh. Ky projekt nga kryetari i Ferizajt, Agim Aliu është vlerësuar të jetë njëri prej projekteve më madhor që janë realizuar së fundi në Ferizaj, ndërsa rëndësia e tij do të jete e shumëfisht, pasi bëhet fjalë për një zonë shumë të qarkullueshme, ku ka koncentrim tejet te madh te bizneseve dhe së fundi është duke u ngritur një kompleks i institucioneve të ndryshme arsimore e universitare. Kjo rrugë pritet të lidhë në të ardhmen Ferizajn me autostradën Prishtinë-Shkup.
Bashkë me rregullimin e kësaj rruge me katër korsi, në këtë zonë janë duke rrjedhur edhe investime tjera nga Komuna e Ferizajt, Qeveria e Kosovës dhe Qeveria e Zvicres. Vlera e investimeve arrin në 7 milion euro. Aliu ka thënë se është duke u punuar në instalimin e rrjetit të ujësjellësit, kanalizimit fekal dhe atij atmosferik, ndërtimi i trotuareve dhe rruga me katër shirita qarkullues.Fillon projekti i rrugës me katër shirita qarkullues. Në këtë pëurim morri pjesë Kryetari i Komunës së Ferizajt, Agim Aliu, Deputeti i Parlamentit të Republikës së Kosovës Elmi Reçica, Drejtor të Drejtorive Komunale si dhe shumë qytetarë.
