Me një minut heshtje në nderim të pjestarit të Policisë së Kosovës Enver Zymberit, ka filluar të mbahet mbledhja e rradhës e Kuvendit të Komunës së Ferizajt. Në këtë mbledhje janë diskutuar çështje të shumta, por debat më së shumti ka ngjallur raporti mbi ecurinë financiare për peridhën janar- qershor 2011. Kryetari i Komunës së Ferizajt, Bajrush Xhemaili duke ju drejtuar asambleistëve, ka theksuar se mbi bazë të ligjit mbi financat lokale si dhe ligjin mbi menaxhimin e financave publike dhe përgjegjësit ka paraqitur raportin mbi ecurit financiare të organizates buxhetore (656) për periudhën janar-qershor 2011 përfshirë të hyrat vetanake të realizuara si dhe shpenzimet buxhetore për të gjitha kategorit ekonomike.”Gjatë periudhës janar-qershor 2011 u inkasuan gjithsejt të hyra vetanake në vlerë 1 546 292.41 € përfshirë këtu edhe të hyrat nga participimet e qytetarëve për projekte kapitale si dhe grantin e unopsit (burim i te hyres -67) për realizimin e procesit të regjistrimit të popullsisë, ndërsa hequr grantin e unopsit kemi një realizim prej 1 538 312.41 € e cila vlerë po të vëhet në krahasim me vitin 2010 rezulton me ngritje të vlerës për 8.65% apo 118 409.50€, ndërsa krahasuar me planin kemi një tejkalim të tij për 9.17%.”, ka thënë kryetari Xhemaili, duke bërë të ditur se mbi bazë të këtij raporti del që padyshim se vlera e inkasuar dëshmon performancën e mirë të organizates buxhetore në fushën e inkasimit të të hyrave vetanake, duke patur parasysh gjithnjë edhe ngecjet e shfaqura.“Në disa lloje të të hyrave për të cilin fakt ne jemi mobilizuar ti eliminojmë ato në mënyrë që gjashtëmujori i dytë i këtij viti të rezultoj me përmbyllje të suksesshme duke tejkaluar planin vjetor të të hyrave vetanake për të shënuar rekord të ri në këtë drejtim” , ka thënë kryetari Xhemaili, ndërsa ka bërë të ditur se totali i alokimit të grantit qeveritar si njëri ndër burimet kryesore të financimit buxhetor për këtë periudhë përfshir të gjitha kategorit ekonomike është 9 294 258.00€. Ai më këtë rast ka permëndur edhe shpenzimet buxhetore të bëra për këtë periudhë. “Periudha janar-qershor 2011 karakterizohet me një vlerë shumë të ngritur të investimeve kapitale krahasuar me vitin 2010 dhe atë për 246.06%, gjithashtu kjo periudhë është karakterizuar edhe me racionalizimin e shpenzimeve operacionale krahasuar me vitin 2010 pothuajse në të gjitha nënkategoritë buxhetore të kategorisë mallra dhe shërbime .Pra gjatë kësaj periudhe organizata jonë buxhetore shpenzoi gjithsejt 6 427 580.31€ (nga fondi burimor 10, 21 ,22) apo 32.05 % nga vlera totale e buxhetit, përfshir të gjitha burimet e financimit.Duke patur parasysh faktin se ecuria e shpenzimeve kapitale ka shenuar një shkallë kaq të lart krahasuar me vitin 2010, duke u bazuar në faktin se pothuajse të gjitha projektet e parapara investive janë në ritmin më të lartë të realizimit të tyre, mund të konkludojmë se ky vit fiskal do të karakterizohet me shpenzime racionale, me efikasitet të lart të tyre si dhe pa mbetje buxhetore”, ka thënë numri një i qeverisë lokale Bajrush Xhemaili. Ndërsa opozita ka qenë ajo që ka kritikuar këtë raport në mënyra të ndryshme.
Në këtë mbledhje është formuar edhe komisoni për vlerësimin e dëmëve të luftës prej 7 anëtarëve 2 prej të cilëve do t’i caktoj kryetari i komunës, ndërkaq pesë të tjerët janë nga partitë që janë të përfaqësuara në Kuvendin e Komunës. Po ashtu është diskutuar edhe shpallja e interesit të përgjithshëm për pronat në menaxhim të AKP-së, si dhe është dhënë një informatë për suksesin e nxënësve , numrin e paraleleve dhe numrin e nxënësve në fund të vitit mësimor 2010-2011 për të tria nivelet.
Anëtarët e Kuvendit të Ferizajt, diskutojnë bashkarisht pikat e rendit të ditës në mbledhjën e shtatë zyrtare.
