Për të parë nga afër punimet në asfaltimin e kësaj rruge, mori pjesë edhe numri një i komunës së Ferizajt, Agim Aliu si dhe drejtori i Planifikimit, Zhvillimit dhe Rindërtimit Ardian Ferizi. Gjatësia e rrugës në lagjen Bublic është rreth 1.5 kilometra me një gjerësi prej 4.5 metra.
Drejtori i Planifikimit, Ardian Ferizi, thotë se kjo rrugë është e një rëndësie shumë të madhe për banorët e këtij fshati.”Edhe kjo rrugë është në mesin e atyre rrugëve, ku është paraparë që asfaltimi të përfundojë këtë vit”, ka thënë drejtori Ferizi, duku shtuar se gjatë kësaj jave pritet të asfaltohen edhe shumë rrugë të lagjeve si në fshatra, po ashtu edhe në qytet. “Tash për tash do t’i përfundojmë diku 22 rrugë në qytet dhe në fshatra të cilat janë duku u bërë me participim të qytetarëve”, është shprehur ai.
Është bërë e ditur se të gjitha projektet që janë një vjeçare do të përfundojnë deri kah mesi i këtij muaji, ndërsa vazhdimi i projekteve të tjera të cilat janë të përbashkëta më Ministrinë e Infrastrukturës, do të bëhen gjatë vitit të ardhshëm.
Nga ana tjetër banorët janë ata të cilët më së shumti i janë gëzuar asfaltimit të këtyre rrugëve. Ramiz Reshani përfaqësuesi i lagjes Bublic, ka thënë se asfaltimi i rrugës së tyre ka qenë i domosdoshëm për shkak të dëmtimeve që kanë qenë shumë të mëdha. Por ai thotë se tash është bërë një rrugë shumë e rëndësishme për ta, për faktin se është asfaltuar me një standard të lartë .
Po ashtu kryetari i Ferizajt, Agim Aliu, dhe drejtori i Planifikimit, Zhvillimit dhe Rindërtimit Ardian Ferizi, kanë inspektuar edhe punimet që janë bërë në asfaltimin e rrugës në lagjen Hajdaraj në Komogllavë të Ferizajt. Banorët e këtij fshati ishin të kënaqur me asfaltimin e rrugës së tyre. “Shumë mirë për neve, por edhe për fëmijët. Vërtet kemi qenë shumë keq më këtë rrugë, tash është një rrugë shumë e mirë, për çka e falënderojmë komunën”, ka thënë Beqir Beqiri banor i lagjes Hajdaraj.
Rruga në lagjen Hajdaraj është e gjatë rreth 500 metra.
Është bërë asfaltimi i rrugës në lagjen Bublicë të fshatit Lloshkobare si dhe në lagjen Hajdaraj në fshatin Komogllavë.
