Këshilli për Mbrojtjen e të Drejtave dhe Lirive të Njeriut (KMDLNJ), së bashku me dy organizata partnere njëra në Serbi e tjetra në Maqedoni, kanë marrë iniciativë, në një projekt të mbështetur nga Bashkimi Evropian për aksionin rajonal të shoqërisë civile, për ngritjen e vetëdijes dhe tolerancës. Zinaide Gruda, nga KMDLNJ, ka thënë se brenda këtij projekti kanë të përfshira 9 komuna në Kosovë, ndërsa organizatat partnere në Serbi dhe Maqedoni kanë nga 3 komuna të përfshira në projektet e tyre. “Brenda këtij aktiviteti, ne kemi pasur debate të organizuara në komuna, me komunitetin dhe qytetarët në mënyrë që të identifikohen problemet me të cilat ballafaqohen qytetarët në jetën e përditshme”, ka thënë Gruda, duke bërë të ditur se në vazhdën e këtyre aktiviteteve është edhe punëtoria e cila të hënën u mbajt edhe në Ferizaj, e cila kishte për qëllim nxitjen e qytetarëve dhe shoqërisë civile, për të gjetur rrugë dhe mënyra se si t’i realizojnë apo zgjidhin problemet me të cilat ballafaqohen qytetarët.
Në bazë të aktiviteteve që kishte deri më tani KMDLNJ-ja, problemet me të cilat qytetarët ballafaqohen ishin ato të natyrës së përditshme, për komunitetet ishte përdorimi i gjuhës nëpër dokumente zyrtare, probleme me mbeturina, ujë, rryma, kanalizimi etj.
Edhe Baki Sfirca nga KMDLNJ, ka thënë se ky këshill mirret me hulumtimin e rasteve të shkeljes së të drejtave dhe lirive të njeriut. Ai ka thënë se ky këshill pranon shumë ankesa nga palët e ndryshme në Kosovë. “Në bazë të atyre, ne kemi parë që ekziston nevoja, për të arë mundësinë se si mund të mbrohen të drejtat e njeriut, por në anën tjetër edhe se si mund të realizohen interesat e qytetarëve tek pushteti qoftë në ato komunale por edhe qendrore”, ka thënë Sfirca, duke bërë ë ditur se hulumtimi i tyre kishte të bënte me mënyrën më të mirë të qasjes së qytetarit tek përfaqësuesit e tyre në pushtet
Tema e punëtorisë së organizuar nga KMDLNJ-ja, ishte “Avokimi dhe Lobimi”.
Në bazë të aktiviteteve që kishte deri më tani KMDLNJ-ja, problemet me të cilat qytetarët ballafaqohen ishin ato të natyrës së përditshme, për komunitetet ishte përdorimi i gjuhës nëpër dokumente zyrtare, probleme me mbeturina, ujë, rryma, kanalizimi etj.
