"Dashuria që nuk vdes", vepra e humanistit, Dom Lush Gjergjit, është promovuar të mërkurën pasdite në Ferizaj. Me këtë rast është thënë se kjo vepër ngërthen në vete një mori personazhesh të shekullit XX, në mesin e tyre edhe tre shqiptarë që kanë lënë gjurmë të pashlyeshme në historinën e popullit tonë.
Nga folësit, është thënë se shekulli XX, identifikohet si shekull i dy luftërave botërore, si shekull i përgjakshëm i luftërave të shteteve për të krijuar identitetet e tyre.
Studiusi, Ismajl Hasani, ka thënë se disa prej figurave që ka pasqyruar Dom Lush Gjergji në veprën e tij e përbëjnë njerëzit që kanë lënë gjurmë në historinë e njerëzimit dhe kanë shënuar epokën e këtij shekulli. Hasani, ka shtuar se të 26 personalitetet e pasqyruar në monografi në mënyrë brilante kanë ndikuar në veprimtarinë shkencore, intelektuale e human të autorit, duke bërë të ditur se autori ka mësuar nga këto figura që i ka pasqyruar me zotësi në libër.
Ai është ndalur te përshkrimi i tri figurave shqiptare, Nënë Tereza, Mikel Koliqi dhe Atanagora, duke i nxjerr si figura poliedrike
"Normalisht figurat që flet autori në vepër janë figura që kanë shënuar epokën, për shembull ikona e dashurisë njerëzore dhe sinonimi i kulturës dhe i civilizimit të etniteti shqiptar, Gonxhe Bojaxhiu ose Nëna Tereze. Tanimë botërisht është njohur si i vetmi autorboigraf i saj dhe për fat, falë kësaj ky libër është përkthyer në disa gjuhë", ka thënë Hasani
Redaktori i revistës "Drita", Ndue Ukaj, ka thënë se se ky libër ndihmon në zgjatimin dhe ripërtritjen e kujtesës dhe më tepër një libër që ndihmon në luftimine harresës.
"Libri përfshin personalitete të shquar të shekullit që lamë dhe vjen si jehonë e zërave të përvuajtur që ngadhënjyen përball kohërave plot mynxyra e tmerre, nën trysnin e luftërave katrahurave, shtypjes e padrejtësisë shfaqën këta engjëj roj që në vazhdimësi luftuan për drejtësi dhe ngadhënjyen mbi te keqen", ka thënë Ukaj
Kryetari i Ferizajt, Muharrem Svarqa, është ndalur te rëndësia e veprës duke spikatur elementin e figurave shqiptare në të.
"Me zellin e një studiuesi serioz, me përkushtimin e lartë dhe me dashurinë e pamatshme për fenë e kombin, don Lushi po jep shembullin e pakrahasueshëm të një atdhetari që e vë tërë qenien e tij krijuese në të mirë të besimit dhe popullit të tij, por edhe në të mirë të të gjithë njerëzimit", theksoi Svarqa
Një kumtesë të studiusit, Xhavit Beqiri, në mungesë të tij e lexoi Engjëll Duzhmani, ndërsa autori i monografisë, Dom Lush Gjergji, ka sjellur momente që e kanë shtyre t’i qaset kësaj monografie dhe personaliteteve që janë në të.
" Pse janë zgjedhë, kanë qenë njerëz të mëdhenj që i kanë dhënë kontribut të madhe njerëzimit, kanë ndërmarr diçka për ta ndryshuar botën dhe se veprimtaria e tyre përkon me aktualitetin e sotëm", ka thënë don Lush Gjergji
Promovimi i kësaj monografie përkon me manifestimin "Ditët e diasporës", manifestim ky që në Ferizaj ka nisur që një javë dhe i përcjellë me një varg aktivitetesh kulturore.
"Dashuria që nuk vdes", vepra e humanistit, Dom Lush Gjergjit, është promovuar të mërkurën pasdite në Ferizaj. Me këtë rast është thënë se kjo vepër ngërthen në vete një mori personazhesh të shekullit XX, në mesin e tyre edhe tre shqiptarë që kanë lënë gjurmë të pashlyeshme në historinën e popullit tonë.
