Në teatrin e qytetit “Adriana” në Ferizaj, këtë të martë është bërë promovimi i librit “Herezia e mendimit kritik” të autorit Enver Zhinipotoku. Në kë të promovim merrni pjesë mysafirë të shumtë në mesin e tyre edhe kreu i Ferizajt, Muharrem Svarqa.
Në hapjen e këtij promovimi kryetari i komunës së Ferizajt, Muharrem Svarqa, ka vlerësuar tejet lartë , librin në fjalë .
“Unë për shumë vite kam jetuar jashtë Ferizajt dhe Kosovës, në njëfarë mënyre i shkëputur nga krijimtaria intelektuale e këtushme, sado që me kureshtje të madhe jam përpjekur të jem në kontakt me to. Këto vitet e fundit, kur jam i pranishëm edhe fizikisht, kam përshtypjen se rrjedhat e kulturës në përgjithësi, përfshirë edhe krijimtarinë letrare, shkencore e publicistike, nuk janë duke u zhvilluar në përmasat dhe cilësinë e dëshiruar. Transicioni politik, shoqëror, arsimor e kulturor, i cili po stërzgjatet pafundësisht, duket të ketë ndikuar në njëfarë mpirjeje të krijuesve, e cila, sipas përshtypjes sime, ka bërë që të mos kemi botime të shpeshta të librave, qoftë nga shkencat, qoftë nga artet, qoftë nga publicistika.
Nga ana tjetër, përhapja marramendëse e teknologjisë informative, e portaleve, e rrjeteve shoqërore dhe e blogjeve të panumërta, ka bërë që qytetarët ta shuajnë kureshtjen tyre për informacion, publicistikë, por edhe për krijime nga fushat e ndryshme të arteve në mënyra fare të ndryshme nga ç’i ofroheshin deri vonë. Prandaj, edhe ky faktor, mund ta ketë zbehur dëshirën e dyanshme krijues-lexues për të komunikuar përmes librit”, ka thë në kryetari Svarqa, duke theksuar se nevoja pë r librin e botuar në formë n klasike, do të ekzistojë gjithmonë, sa të jetojë njerë zimi, pavarësisht zhvillimit të paparë të komunikimit masiv dhe formave alternative të konsumit të vlerave intelektuale.
“Këto fjalë deri tani i thashë si qytetar, si ferizajas. Tani po flas si kryetar Komune. Jam shumë i interesuar për stimulimin e krijimtarisë intelektuale e artistike, i vetëdijshëm se përmes saj përmbushet nevoja shpirtërore e qytetarëve, për ta njohur më mirë jetën, kontekstet shoqërore, historike e kulturore të së kaluarës e të së sotmes dhe për t’i shijuar vlerat mendore që krijohen ndër ne. Prandaj, gjatë këtij viti kemi bërë e po bëjmë aq sa mundemi për të mbështetur moralisht dhe financiarisht intelektualët dhe krijuesit ferizajas, që të nxjerrin në dritë mundësitë e tyre, dijen dhe artin e tyre. Për këtë qëllim unë që nga fillimi e kam hedhur idenë e krijimit të një trupe të përbërë nga krijues vendës, të cilët do të përzgjedhnin krijimet intelektuale dhe artistike, që do të mbështeteshin për botim nga ana e institucioneve komunale. Formimi i një trupe të tillë, gjithnjë e më shumë po bëhet kërkesë edhe e shoqërisë civile dhe e qytetarëve, prandaj kjo gjë edhe do të bëhet, duke marrë parasysh nevojën e hartimit të kritereve, sipas të cilave do të ndërtohej lista e krijimeve që do të meritonin mbështetje”, tha ai.
Numri një i Ferizajt, ka thënë se autori Enver Zhinipotoku ka bë rë përpjekje të lakmuse pë r të dhe në diagnozën e shoqërisë kosovare përgjatë aktualitetit disavjeçar të pasluftës.
“Nuk dua të flas shumë për përmbajtjen e librit të Enver Zhinipotokut, të cilin po e promovojmë me këtë rast, sepse për të do të flasin ata që janë më profesionistë dhe që janë marrë drejtpërdrejt me këtë libër. Nga pozicioni i lexuesit, mund të them se autori ka bërë përpjekje të lakmueshme për të dhënë diagnozën e shoqërisë ferizajase e kosovare përgjatë aktualitetit disavjeçar të pasluftës, duke evidentuar defektet, mangësitë dhe vuajtjet e saj. Pa dyshim se këtë vepër, ashtu si edhe veprën tjetër të Zhinipotokut “Portrete të anatemuarish”, i çmoj si kontribut të çmueshëm dhënë lexuesit dhe fondit librar ndër ne. E përgëzoj autorin dhe uroj që të vazhdojë me krijimtari intelektuale edhe më tej”, ka përfunduar Svarqa.
Me një mendim kritik pë r librin, ka dhë në edhe profesori dhe recensenti i librit Isuf Berisha si dhe redaktori i librit Ismet Aliu.
Promovimin e librit “Herezia e mendimit kritik” të autorit Enver Zhinipotoku, e ka përshë detur edhe krijuesi ferizajas Rrahim Sadiku.
Ndërkaq autori i librit Enver Zhinipotoku, ka falënderuar komunën e Ferizajt, kryetarin Muharrem Svarqa si dhe drejtorin e Kulturë s, Rinisë dhe Sportit në Ferizaj, Enver Halitin për përkrahjen edhe në financimin e këtij libri.
Hapja e këtij promovimi u bë me thënien e autorit “Vetëm në liri shihet dallimi i qartë midis të mirës dhe të keqes .Kjo është abstrakte, por shumë konkrete”.
