Komuna e Ferizajt gjatë këtij viti ka realizuar mbi 78 projekte infrastrukturore që kanë ndikuar dukshëm në përmirësimin e cilësisë së jetës së qytetarëve. Gjatë një rekapitulimi që u ka bërë investimeve për këtë vit, drejtori i Drejtorisë komunale për planifikimi dhe zhvillim, Ardian Ferizi ka thënë se komuna e Ferizajt këtë vit po e përmbyll me sukses të lartë ngase janë realizuar shumë projekte infrastrukturore të kanalizimeve, ujësjellësve, rrugëve, pa përjashtuar edhe projektet në kulturë, arsim, shëndetësi etj. Ferizi ka thënë se prioritet i është kushtuar kanalizimeve për faktin se edhe kërkesat e qytetarëve kanë qenë më të theksuara, por edhe projektet e sigurimit të ujit të pijes dhe rrugëve."Gjatë këtij viti jemi fokusuar shumë në projektet e kanalizimeve për arsye se aty edhe është ndier mungesa më e madhe. Dua të them se gjatë këtij viti kemi pasur 25 projekte të kanalizimeve dhe ujësjellësit, prej tyre 11 projekte në qytet dhe 14 projekte në fshatra. Në total kemi pasur 116 km në kanalizime dhe ujësjellësve" tha Ferizi. Si projekte të mëdha drejtori Ferizi ka përmendur kolektorin e fshatrave Balaj, Manastirc, Nerodime si dhe kanalizimin atmosferik nga rruga "Rexhep Bisilimi" deri në fshatin Nikadin.
Për më tepër mësohet se veç këtyre projekteve, komuna e Ferizajt ka realizuar edhe 15 projekte të asfaltimit të rrugëve si në qytet ashtu edhe në fshatra, pastaj projekti i rregullimit të shtratit të lumit Nerodime së bashku me UN-Habitat-in, renovimi i shtëpisë së kulturës së bashku me Ministrinë e Pushtetit Lokal, por edhe projektet në shëndetësi dhe arsimi."Kemi pasur 9 projekte në shendetësi, këtu duhet të përmendet ndërtimi i Qendrës së katërt të Mjekësisë Familjare. Shumë projekte në arsim, 29 projektet të ndërtimit të shkollave të reja por edhe të renovimit " ka thënë Ferizi, duke sjell edhe projekte tjera të realizuar me bashkëfinancim siç ëshë projekti i nënkalimit të madh hekurudhor dhe ai i parkut të lirisë.
Ndërkohë bëhet e ditur se gjatë këtij viti ka pasur edhe disa projekte që janë bartur prej vitit të kaluara e që janë finalizuar sivjet. Zyrtarë të Drejtorisë për Planifikim dhe Zhvillim kanë thënë se të gjitha projektet e këtij viti do të jenë të realizuar në masën 80%, ndërsa një pjesë e tyre do të finalizohen gjatë vitit të ardhshëm.
Ndryshe gjatë këtij viti, shuma totale e investimeve nga dy grandet kap vlerën prej rreth 6 milion euro
Drejtoria komunale për planifikim dhe zhvillim, e cilëson vit të suksesshëm vitin 2010, Ardian Ferizi, ka thënë se komuna e Ferizajt, këtë vit po e përmbyll me sukses të lartë ngase janë realizuar shumë projekte infrastrukturore të kanalizimeve, ujësjellësve, rrugëve, pa përjashtuar edhe projektet në kulturë, arsim, shëndetësi etj.
