Me fillimin e muajve të pushimeve, rriten ndjeshëm kërkesat e qytetarëve për rregullimin e dokumenteve të ndryshme personale.
Zyrtarët komunal të Ferizajt thonë se ardhja e bashkatdhetarëve tanë nga diaspora në këtë kohë, ka ndikuar në rritjen e vëllimit të punës.
"Nga 15 korriku deri më 31 gusht të këtij viti, orari do të jetë nga ora 8 deri në ora 18. Këto dy orë shtesë të punës, që i bie 10 orë pune në jave, mendojmë se do të jenë të mjaftueshme për të përmbushur kërkesat e aplikuesve për dokumente" ka thënë drejtori i Administratës Komunale të Ferizajt, Selim Marevci.
Ndryshe zyrtarët kanë thënë se janë prej 250 deri në 350 kërkesa për dokumente personale që bëjnë qytetarët gjatë një dite pune, duke shpresuar se me zgjatjen e orarit të punës do të përmbushen gjitha kërkesat e qytetarëve që janë në rritje e sipër.
Sipas drejtorit Marevci, ditët më të ngarkuara janë ato të fillimit të javës, përderisa në ditët e fundit të javës është një situatë më ndryshe.
Merret vesh se në Sektorin e Gjendjes Civile në Ferizajt, qytetarët mund të pajisen me dokumente personale gjatë ditës, përjashtuar ndonjë rast kur procedurat administrative kërkojnë edhe ndonjë dokument shtesë dhe me këtë rast, furnizimi mund të zgjatet për pak kohë.
Ne Sektorin e Gjendjes Civile në Ferizajt, këtyre ditëve po punohet me orar të zgjatur dhe kjo ka treguar edhe një efikasitete shumë më të madh të administratës komunale të Ferizajt.
