Me këtë rast kryetari i Komunës së Ferizajt, Bajrush Xhemaili, ka theksuar se rëndësia e këtij projekti është shumë e madhe për faktin se çdo ditë e më shumë po krijohen hapësira të reja të gjelbëruara. “Dihet që Ferizaj, është qyteti më i ngulfatur në Republikën e Kosovës, por kemi arrit që të krijojmë disa hapësira të cilat vërtet na bëjnë që të mburremi me to”, ka thënë kryetari Xhemaili.
Ky projekt synon dhe siguron kushte më të mira për jetës për 75, 000 qytetarët që jetojnë në Komunën e Ferizajt. Me këtë rast drejtoresha e Iniciativës për Komuna Demokratike dhe Efektive në USAID, Ginka Kapitanova, ka theksuar faktin rreth 2000 mijë metra kub janë përmirësuar dhe transformuar në hapësira ku qytetarët mund të kalojnë kohën e tyre.”Komuna e Ferizajt ka vendosur që ta shfrytëzojë shpërblimin prej 45 mijë dollarëve të dhëna nga Programi Iniciativës për Komuna Demokratike dhe Efektive në Përmirësimin e ofrimit të shërbimeve për parqe dhe sheshe, rrugë dhe grumbullimin e mbeturinave të ngurta, për krijimin e këtyre hapësirave të gjelbërta dhe trotuar këmbësorë”, ka thënë Kapitanova.
U bë e ditur se investimi total për projektin është 114,242.99. Komuna ka kontribuar me 69,242.99.
Iniciativa për Komuna Demokratike dhe Efektive e USAID-it është projekt trevjeçar që punon për të ndihmuar komunat e Kosovës, liderët dhe qytetarët e tyre për të promovuar qeverisjen e mirë. Kjo iniciativë punon ngushtë me zyrtarë komunal për të identifikuar dhe arritur rezultat kyçe sikurse që janë :qeverisja me efektive, ngritja e besimit në qeverinë, shërbime lokale më të mira, zhvillim ekonomik lokal më i fuqishëm dhe përfshirje më e madhe e rininë në çështjet qytetare. Në përgjithësi, Iniciativa për Komuna Efektive dhe Demokratike ndërmerr hapa për të bërë me transparent ofrimin e shërbimeve lokale dhe zyrtarët lokal me llogaridhënës për rezultate.
Programi i Iniciativës për Komuna Demokratike dhe Efektive dhe Komuna e Ferizaj, kanë krijuar hapësira të gjelbëruara në tri lokacione dhe një trotuare për këmbësorët në Ferizajt. Këto janë përuruar sot nga kryetari i Komunës së Ferizajt, Bajrush Xhemaili dhe drejtoresha e Iniciativës për Komuna Demokratike dhe Efektive në USAID, Ginka Kapitanova.
