Dy shkollat fillore, “Tefik Çanga” dhe shkollën e re në rrugën “Hasan Prishtina”, të hënën i përuroi ministri i Arsimit Shkencës dhe Tekonologjisë Enver Hoxhaj i cili ishte i pranishëm me bashkëpuntorët e tij dhe kryetari i Komunës së Ferizajt, Bajrush Xhemaili.
Me këtë rast ministri Hoxhaj, ka thënë se për Qeverinë e Kosovës, shtatori ka një kuptim të veqantë, pasiqë sjell dinamik, fuqi dhe gjallëri në 1 mij e 200 shkolla në tërë Kosovën. “Ne do të bëjmë përpekje maksimale, që padyshim ta ngrisim cilësinë përmes reformës së korikulumit, përmes zhvillimit profesional të mësimdhënësve dhe rikualifikimit të tyre”, ka thënë Hoxhaj.
Reforma e kurikulumit, sipas Hoxhajt do ta ndryshon shkollën dhe se janë në vazhdën e aktivitetit që me çdo kusht ta reformojnë sistemin arsimor.
Ndërsa sa i takon Komunës së Ferizajt, Hoxhaj ka thënë se kanë një bashkëpunim të shkëlqyeshëm, meëq kjo komunës, sipas Hoxhajt ka kryetarin më dinamik dhe më punëtorë. “Qeveria e Kosovës e ka shumë lehtë që, me këtë kryetar ta mbështes Komunën e Ferizajt por edhe Qeveria e Luksemburgut është e interesuar që t’a mbështes kryetarin Xhemaili në agjendën e tij, për një qeverisje shumë efikase dhe për ta ndryshur fuqishëm ferizajt sikur deri më tani, këto dy vitet e fundit”, ka thënë Hoxhaj.
Në Komunën e Ferizajt, MASHT-i, së bashku me Kuvendin Komunal të Ferizajt, kanë arritur që në shumicën e shkollave, me përjashtim të një fshati, mësimi të zhvillohet në dy ndërrime dhe kjo sipas ministrit Hoxhaj dhe kryetarit Xhemaili është një përmirësim i dukshëm.
“Kemi krijuar hapësira të reja shkollore. Kemi hequr mësimet në tri ndërrime. Cilësia e mësimit tani ka predispozita më të mëdha me hapësirën shkollore e cila është krijuar”, ka thënë kryetari i Komunës së Ferizajt, Bajrush Xhemaili, duke shtuar se sa i takon investimeve nëpër shkolla, po ecim edhe drejt Evropës me një shpejtësi shumë të madhe. “Jam i lumtur me faktin, se asnjëherë nuk kam pasur problem dhe vërtet kuptohem me qeverinë qëndrore prandaj edhe arsimi në Ferizaj ka fituar. Edhe parametrat tregojnë se cilësia në arsim, në Komunën e Ferizajt është rritur dhe kjo është treguar edhe në testin kombëtar ku kemi pasur rritje në mbi 11 përqind të kalueshëmrisë”, ka thënë Xhemaili, duke shtuar se vitin 2010 e ka shpallur edhe si vit të arsimit por që do të vazhdon edhe më tutje pasiqë sipas Xhemaili ‘fuqia në arsim është fuqia e kombit’
Plagosjen e tre nxënësve të Gjimnazit “Kuvendi i Arbërit” në Ferizaj, ministri i Arsimit, Shkencës dhe Teknologjisë, Enver Hoxhaj, e ka cilësuar këtë ngjarje si një lajm jo të mirë për Kosovën.
“Lajm që edhe mua si ministër më ka prekur. Bashkëpunëtorët e mi po e përcjellin gjendjen nga afër. Sipas informatave tona, ishte një situatë konfliktuoze e krijuar jashtë objekteve shkollore para disa javëve, por i cili u bart brenda objektit shkollor”, ka thënë Hoxhaj.
Ai tha se ky është akt tejet i dhimbshëm dhe shumë i rëndë për Ministrinë e Arsimit dhe Shkencës së Kosovës.
Më këtë rast, Hoxhaj ka theksuar se tashmë kanë hartuar një strategji për parandalimin e rasteve të dhunshme nëpër shkolla si përpjekje maksimale për siguri sa më të madhe në të gjitha shkollat.
“Kemi bashkëpunim shumë të mirë në nivel lokal me komunat dhe me Policinë e Komuniteteve. Por si rast për mendimi tim, është një rast i izoluar, që përveç shqetësimit dhe lëndimeve që ka sjell nxënësve dhe këtyre tri familjeve duhet të shihet si rast i izoluar”, ka thënë Hoxhaj, duke bërë të ditur se do të bëj përpjekje maksimale, që nxënësit të mbrohen në raste fizike, por edhe mendore.
Ndërsa kryetari i Komunës së Ferizajt, Bajrush Xhemaili ka thënë se ky rast po trajtohet nga polica dhe se kryesi i tij është i njohur për policinë.
“Zënka ka ndodhur shumë më herët por jashtë objektit mësimor. Kemi të bëjmë me një huligan që ka hyrë në klasë për t’i qëruar hesapet në atë formë. Ne nuk ndihemi mirë aspak për këtë rast, por policia do ta zbardhë të tërin dhe do të ndërmarr masa”, ka thënë Xhemajli.
Me këtë rast ministri Hoxhaj, ka thënë se për Qeverinë e Kosovës, shtatori ka një kuptim të veqantë, pasiqë sjell dinamik, fuqi dhe gjallëri në 1 mij e 200 shkolla në tërë Kosovën. “Ne do të bëjmë përpekje maksimale, që padyshim ta ngrisim cilësinë përmes reformës së korikulumit, përmes zhvillimit profesional të mësimdhënësve dhe rikualifikimit të tyre”, ka thënë Hoxhaj.
