Një akademi përkujtimore në 15 vjetorin e shkuarjes në amshim të Imzot Nik Preles është mbajtur në Ferizaj, në të cilën është lartësuar lart figura e këtij personaliteti, i cili më përkushtim i shërbeu Zotit dhe atdheut. Kjo akademi, mbajtur nën patronazhin e kryetarit të komunës dhe drejtorit të CARITAS-it të Kosovës është vërtetuar se ferizajasit ruajnë kujtimin për këtë personalitet që me punën e tij ka lënë gjurmë të pashlyeshme në historinë më të re të popullit shqiptar. Kryetari i Ferizajt, Bajrush Xhemajli, duke e portretizuar figurën e Imzot Nik Preles ka thënë se ipeshkvi i Kosovës Nik Prela, kishën "Engjëlli i rojës" në Ferizaj, e kishte shndërruar në qendër humanitare e kulturore dhe mbante të gjallë shpirtin e kombit.
"Nuk do të mund gjenden një objekt në hapësirat shqiptare që të ketë qenë e mbushur me aktivitete të ndryshme në të mirë të kombit dhe fesë. Kjo ka bërë që Imzot Nikë Prela të jetë një figurë shumë e dashur dhe të respektueshme jo vetëm për ferizajasit, por edhe më gjerë. Kjo kishte bërë që Imzon Prela të nderohej dhe respektohej edhe nga Papa Gjon Pali i Dytë, i cili e shpalli Ipeshk të Kosovës" ka thënë kreu komunal i Ferizajt, Xhemajli, ndërsa ka folur edhe për aspektet intelektuale të tij që posedonte, të cilat, siç tha, këtë pasardhës të Bogdanit e Gjeçovit e renditetin në faqe të historisë sonë.
Aspekte nga jeta dhe veprimtari e tij shumanshme ka shpalosur drejtori i CARITAS-it të Kosovës, Don Viktor Sopi, duke u ndalë në kontributin e tij që dha gjatë periudhës së helmimit të nxënësve në Kosovë, duke hapur dyert e kishës dhe duke u dalë në ndihmë gjithë atyre që kishin nevojë, duke e vënë kishën në mbrojtje të dinjitetit njerëzor.
Nën patronatin e kryetarit të Komunës së Ferizajt, Bajrush Xhemaili është mbajtur manifestimi tradicional- përkujtimor i cili i kushtohet Ipeshkvit të parë të Kosovës, Imzot Nikë Prela
