Afaristë ferizajas gjatë një takimi që kanë zhvilluar me drejtuesit e pushtetit lokal, kanë shprehur të hënën gatishmërinë që të ndihmojnë në forma të ndryshme zonat e përmbytura të Shkodrës dhe mu për këtë kanë formuar një komision shtatë anëtarësh, i cili do ta koordinoj tërë këtë aktivitet. Kryetari i këtij komisioni është zgjedhur Fehmi Krasniqi, ndërsa këtë aktivitet të bizneseve e ka vlerësuar lartë edhe kreu i Ferizajt, Bajrush Xhemajli, duke vënë në pah se këto zona në vazhdimësi janë të rrezikuara dhe së nevojat për ndihma janë më se të domosdoshme. Kryetari Xhemajli, me iniciativën e të cilit edhe ishte ftuar ky takim, ka ripërsëritur se nga Ferizaj dje është nisur një kontingjent i ndihmave në ushqim për kafshët, ndërsa ka thënë se situata atje paraqitet e rëndë pa shenja përmirësimi."Ju kisha ftuar për një organizim qytetar, për të dhënë një kontribut në ndihmë zonave të përmbytura të Shkodrës, të cilat po rrezikohen pa ndërprerë. Kishte e qenë mirë të formohet një komision që do të koordinoj këto ndihma" tha Xhemajli, duke theksuar se komuna tashmë ka nisë disa kamion me ushqim për kafshët.
Bizneset janë shprehur pro këtij aksioni solidar, ndërsa kanë përmendur disa forma të ndihmave, si derdhjen e mjeteve përmes xhirollogarisë, vendosjen e kamionëve për grumbullimin e ndihmave në disa pika kyçe të qytetit, si dhe vizitat nëpër biznese nga komisioni, ku ata do të deklarohen për llojin e ndihmave dhe sasinë. Kryetari i këtij komisioni, Fehmi Krasniqi, ka thënë se ky komision do të filloj menjëherë aktivitetin, ndërsa ka vënë në dukje se qysh nesër do të vendosen kamionët në qendër të qytetit për të grumbulluar ndihma nga bizneset por edhe qytetarët e interesuar. Vlen të theksohet se tërë transportin e këtyre ndihmave me kamion për në Shkodër do ta bëjë ndërmarrja "Nderimi", ndërsa formën e grumbullimit të ndihmave nëpër pika të caktuar e ka propozuar firma tregtare"Ben -af".Komuna e Ferizajt është zotuar se do të siguroj derivatet për transportin e ndihmave në sasi prej 250 litrave, për të siguruar njëherësh edhe sasi të reja të ushqimit për kafshët.
Ndryshe, bizneset ferizajase por edhe qytetarët edhe vitin e kaluar i kanë ndihmuar këto zona me ndihma të ndryshme.
Kryetari i këtij komisioni është zgjedhur Fehmi Krasniqi, ndërsa këtë aktivitet të bizneseve e ka vlerësuar lartë edhe kreu i Ferizajt, Bajrush Xhemajli, duke vënë në pah se këto zona në vazhdimësi janë të rrezikuara dhe së nevojat për ndihma janë më se të domosdoshme.
