Drejtori i Drejtorisë Komunale të Arsimit në Ferizaj, Agim Berisha, ka theksuar faktin se më nuk do të ketë regjistrim në shkollat e mesme të komunës sonë. Sipas tij me hapjen e dy paraleleve të reja në gjimnazin”Kuvendi i Arbërit”, ka përfunduar i gjithë ky proces.” Konkursi ka qenë i hapur dy ditë kanë konkurruar të gjithë nxënësit dhe aty u pa se nuk ka qenë ai numër i përfolur nga qytetarët, mediat aq i madh që kanë thënë se kanë mbetur jashtë bankave shkollore”, ka thënë Berisha ndërsa ka theksuar faktin kriteret e regjistrimit kanë qenë të përcaktuara nga ministria dhe ato janë respektuar.”Kriteret kanë qenë të njëjta, por ne kemi marr ata që kanë konkurruar , prej tyre ka pasur edhe nga nxënës të regjistruar në komuna të tjera, por megjithatë ne i kemi marr aq sa kanë mundur të përfshihen në dy paralele me nga 39 nxënës, në këto paralele kanë qenë nxënësit të cilët i kanë plotësuar kriteret e konkursit dhe është mbyllur kapitulli i regjistrimit të nxënësve në shkollat e mesme”, është shprehur Berisha.
Numri një i arsimit në Ferizaj, drejtori Agim Berisha, me këtë rast ka theksuar faktin se gjatë përdorimit të kriterit të ri në shkollim të mesëm, nxënësit nuk kanë qenë të informuar mirë, edhe pse është kërkuar disa here si nga drejtorët e shkollave, mësimdhënësit, por edhe prindërit që fëmijët të njoftohen me kriteret e reja.”Këtë vit pasi kemi përdorur një standard të ri për regjistrimin e nxënësve dhe i kemi limituar numrin e paralele për vitit e 10-ta ,sigurisht që ka pasur edhe mos informim të duhur edhe pse ne kemi apeluar disa here tek drejtorët e shkollës, tek mësuesit që të kontaktojnë më nxënës dhe me prindër dhe t’u japin sugjerime, se si të veprojnë, sepse këtë vit ka kritere apo standarde të reja të regjistrimit dhe vërtet ka pasur një hut”, ka thënë Berisha, ndërkaq ka shtuar se shumë nxënës kanë hyrë edhe në garë të gabuar.” Nxënësit kanë hyrë në garë në vija të gabueshme , aty ku nuk mund të depërtojnë, por nuk është faji i nxënësve, sërish po themi se është dashur të informohen përmes mësimdhënësve dhe prindërve dhe kanë mbetur një numër i madh një numër i konsiderueshëm mbetën jashtë bankave shkollore, ku më pas kanë filluar edhe presionet të ndryshme të prindërve , fëmijëve, pse jo edhe të qytetarëve dhe u përfol shumë dhe i dhanë ngjyrime politike sesa reale dhe ne në bashkëpunim me kryetarin dhe me vendim të ministrisë që të hapen edhe dy paralele të reja dhe të ketë hapësirë të bollshme për të konkurruar të gjithë ata nxënës që ishin me sukses të shkëlqyeshëm”, tha Berisha.
Në Komunën e Ferizajt, janë 37 shkolla fillore dhe 7 të mesme.
Berisha: Nxënësit nuk kanë qenë shumë të informuar për procesin e regjistrimit në klasat e dhjeta.
