Ky vendim vije pas shumë vërejtjeve të bëra se në dy gjimnazet e qytetit, në atë shkencor dhe shoqëror janë pranuar nxënës pa u respektuar kriteret e duhura duke u formuar edhe paralele të “fryera” me mbi 50 nxënës, ndërsa në shkollat profesionale si në atë teknike dhe në bujqësi në shumë drejtime kanë mbetur paralele “xhuxhe”.
”Kësaj praktike të deformuar do t’i vije fundi, propozimin e DA-së e ka përkrahur edhe Bordi i drejtorëve dhe kryetari i komunës, tash e tutje nxënësit do të regjistrohen vetëm në bazë të rezultateve të testit të kalueshmërisë dhe në asnjë formë tjetër, ne duhet të fillojmë të ndryshojmë mentalitetin edhe të prindërve dhe nuk do të lëshojmë pe para presioneve që fëmijët e tyre doemos të regjistrohen në gjimnaz”, sqaroi Agim Berisha, drejtor i DA-së.
Sipas drejtorit Berisha ,tash e tutje do të respektohet numri prej 32 vetave nëpër klasë, sipas kritereve të MASHT-it dhe eventualisht plus gjashtë nxënës të tjerë në bazë të kërkesës për profile të veçanta.
Përpos këtij vendimi Berisha informoi, se marrë vendim edhe për rritje të disiplinës dhe masave ndëshkuese ndaj mësimdhënësve që humbin orë të mësimit, por edhe të drejtorëve që nuk i raportojnë dhe nuk marrin masat e parapara me ligj.”Do t’i njoftoj të gjithë mësimdhënësit dhe drejtorët e shkollave fillore dhe të mesme se për çdo orë të humbur pa arsye do të kërkohet ndëshkim si në pagesë ashtu edhe në përshkrimin e kritereve e performancës së mësimdhënësve, të cilat më pas do të merren parasysh me rastin e zgjatjes së kontratës së punës”, theksoi Berisha.
Këto masa, sipas Berishës ndërmerreshin për të rikthyer një atmosferë mobilizuese dhe sa më kreative nëpër shkollat e Ferizajt. “Ne kemi rezultate të dukshme në arsim, por këto dobësi që i përmenda duhet të evitohen, gjimnazeve duhet t’iu kthehen identiteti i tyre dhe në të nuk do të mund të hynë nxënësit me sukses të dobët, kurse në anën tjetër edhe shkollat profesionale duhet të marrin rolin e tyre në përgatitjen e kuadrove praktike aq të nevojshme për tregun e sotëm”,pohoi Berisha.
z. Berisha theksoi se të shtunën do të mbahet një garë ,,Gjuhëtari i Ri’’ i organizuar nga Shoqata e Gjuhës Shqipe të Kosovës, me nxënësit e klasave të VI, VII, VIII, IX, kjo garë do të jetë në nivel Komunal
Drejtoria e arsimit komunal në Ferizaj, ka marrë qëndrime që për vitin e ri shkollor, t’i ashpërson kriteret e pranimit të nxënësve në shkolla të mesme theksoi, Agim Berisha, drejtor i DA-së.në Ferizaj
