Nis së realizuari edhe një projekt i Bashkim Evropian Ferizaj

Me këtë rast është thënë se ky projekt do të kontribuoj në rritjen e sigurisë së nxënësve, ngase kjo shkollë është e vetmja në komunën e Ferizajt që rrethohet në të gjitha anët me rrugë të qarkullueshme.

I pari i Ferizajt, Muharrem Svarqa, e ka vlerësuar këtë projekt shkollor, duke thënë se është në interes të institucioneve dhe komunitetit që të krijohen kushte për një siguri më të lartë për nxënësit e shkollave në përgjithësi. Ai ka thënë se krahas këtyre projekteve, komuna po bënë përpjekje që të realizoj edhe projekte ambientale nëpër shkolla, duke zënë në gojë një projekt të tillë që pritet të implementohet edhe në këtë shkollë.

"Si komunë jemi të interesuar që të ketë sa më shumë projekte të tilla. Presim që përmes donacioneve të ketë edhe projekte të tjera të kësaj natyre, të cilat kishin me krijuar kushte më të mira për punën e nxënësve" ka thënë Svarqa.

Projektin e ka vlerësuar edhe drejtori i Shkollës, Basri Hasani, i cili ka vënë në dukje se finalizimi i këtij projekti do të krijoj një ambient më të sigurt fizik për nxënësit e kësaj shkolle. Kjo shkollë me mbi 800 nxënës, njihet si shkollë multietnike, nga fakti se në këtë shkollë i vijojnë mësimet edhe një numër i madh i nxënësve të komunitetit ashkali nga fshati Dubravë. Për këtë projekt, Komisioni Evropian ka nda një shumë prej 33 mijë eurove, ndërsa komuna e Ferizajt participon me një shumë prej 1 mijë eurove.

Veç këtij projekti, me mjetet e KE-së është duke u finalizuar edhe projekti i rrethojës së Gjimnazit "Dr. Shaban Hashani" në vlerë prej 170 mijë eurove.

Kanë nis punimet në rregullimin e rrethojës së Shkollës Fillore "Naim Frashëri" në Zaskok të Ferizajt, projekt ky që po financohet nga mjetet e Komisionit Evropian e që po implementohet nga organizata IOM.

Nis së realizuari edhe një projekt i Bashkim Evropian Ferizaj

How do I ?

Si mund të?