Në Brigadën e Zjarrfikësve në Komunën e Ferizajt, këtyre ditëve janë angazhuar edhe 15 zjarrfikës të rinj. Sipas drejtorit të Shërbimeve Publike , Mbrojtjës Civile dhe Emergjencës , Ibrahim Hysenit këta zjarrfikës janë angazhuar për këtë sezon pasi që dihet që në peridhën e verës mund të ketë edhe zjarre më shumë. “Për shkak të temperaturave të larta, ne si qeveri komunal e pamë të arsyeshme që të angazhojmë edhe këta zjarrfikës. Do të thotë është fjala për 15 zjarrfikës sezonal, ku kontrata janë nënshkruar në mes kryetarit të Komunës së Ferizajt, Bajrush Xhemailit dhe Brigadës së zjarrfikësve”, është shprehur drejtori Hyseni.
Ai, me këtë rast ka potencuar faktin, se me këtë punonjës sezonal është zbutur edhe problemi i mungesës së zjarrfikësve. “Në krahasim me numrin e popullësisë që ka komuna jonë vërtet kemi pasur numër të vogël të zjarrfikësve , ku shumica prej tyre kanë qenë të shtyerë në moshë ka zjarrfikës që janë 60 vjeçar dhe dihet se kontributi i tyre në shuarjën e zjarreve është shumë i vogël për shkak të moshës se tyre” , ka thënë Hyseni.
Drejtues të drejtorisë se Shërbimeve Publike, Mbrojtjës Civile dhe Emergjencën , bënë të ditur se kohë të gjatë nuk është investuar edhe në makinerinë e Brigadës së Zjarrfikësve. “ Do të shohim vitin tjetër që të investojmë në makineri, pasiqë dihet se kanë makineri të stërvjetruar”, tha Hyseni.
Ndërsa , bëri të ditur se tek projektet që në vitet e ardhëshëm synohet të realizohet është ndërtimi i një objekti apo punkti të zjarrfikësve në rrugën "Enver Topalli", ekip që do të operojë në pjesën e nënhekurudhës.
Angazhohen 15 zjarrfikës sezonal
