Nënkryetari i Komunës së Ferizajt, Naim Ferati, i shoqëruar edhe nga drejtorë të drejtorive komunale, paraditen e sotme ka marr pjesë në ceremoninë zyrtare të ndërrimit të komandës, dorëzim-pranimin e detyrës së Komandantit të Komandës së Doktrinës dhe Stërvitjes në Ferizaj, nga Gjeneral brigade Enver Cikaqi te Gjeneral brigade Irfete Spahiu.
Kjo ceremoni organizohet pas ngritjes në detyrë të Komandantit të KDS-së në Ferizaj, Gjeneral brigade Enver Cikaqi.
Pjesëmarrës në këtë ceremoni ishin shumë personalitete nga Ferizaj dhe më gjerë. Nënkryetari Ferati, shprehu urimin për punë të mbarë drejtuesve të rinj të komandës dhe gatishmërinë e qeverisjes lokale, gjegjësisht të Kryetarit të Ferizajt, Agim Aliu për bashkëpunim në mes Komunës së Ferizajt dhe Forcës së Sigurisë së Kosovës.
