Këta ushtarë të rinjë , për nëntë javë kanë ndjekur trajnimet bazike, duke arritur nivele të larta profesionale dhe shkathtësi të mjaftueshme, të cilat do t’u hapin udhë në ndërtimin e karrieres ushtarake.
Me këtë rast Gjeneral Enver Cikaqi, komandant i KDS-së ka thënë komanda në krye të së cilës ndodhet vazhdon misionin për ngritjen e nivelit të arsimit dhe stërvitjes dhe bashkë me komandat tjera dhe ekspertë ushtarak të NATO-s janë të përkushtuar të bëjnë përgatitjen e kuadrove profesionale në secilin nivel dhe në çdo kohë, që pjesëtarët e FSK-së të jenë të aftë dhe të gatshëm për t’u ballafaqur me sfidat që ju dalin para."Ne ju kemi njoftuar që në ditën e parë se tri shtyllat kryesore për përfundimin e kursit me sukses janë Nderi, Detyra, Atdheu që do t’u shërbejnë si moto e punës suaj vazhdimisht gjatë karrierës. Dhe ju keni treguar kujdes që të mbani lart këto vlera gjatë tërë stërvitjes. Por, nuk mjafton vetëm gjatë stërvitjes bazike, por këto vlera duhet t’ju përcellin gjatë tërë jetës ushtarake si ushtarakë" u ka thënë rekrutëve të rinj, gjeneral Cikaqi.
Nga ana tjetër komandanti i FSK-së, gjeneral Selimi duke i përgëzuar rekrutët e rinj për të arritur, dhe shprehi besimin se kanë arritur përgatitje për t’i shërbyer me nder dhe profesionalizëm institucionit të FSK-së, vendit në përgjithësi kurdo dhe kudo sa herë që ka nevojë."Diplomimi i juaj është një hap i rëndësishëm drejt plotësimit të kapaciteteve tona me personel, si mundësi e krijimit të parakushteve drejt realizmit të kapaciteve të plota operacionale të FSK-së, e bashkuar, fleksbilile dhe profesionale, e cila do të jetë e aftë të realizojë detyrat e saja brenda dhe jashtë vendit" ka thënë gjeneral Selimi, duke shorehur konsiderata për KDS-në për punën dhe përkushtimin në realizimin e trajnimit bazik.
"Jam i sigurt se këta kadetë janë aftësuar për të shërbyer profesionalisht në Forcën e Sigurisë" ka thënë komandanti, ndërsa u ka thënë rekrutëve se nuk ka mision më të shenjtë sesa të jesh në shërbim të mbrojtjes së lirisë dhe demokracisë, vlera dhe parime këto për të cilat gjenerata të tëra kanë sakrifikuar.
Vazhdimësinë e diplomimit të rekrutëve, edhe zv/minsitri Bejtush Gashi e ka vlerësuar të jetë një hap i rëndësishëm drejt plotësimit të kapaciteteve të FSK-së me personel. Me këtë rast rekrutët më të zellëshëm në këtë ceremoni janë nderuar me mirënjohje nga komandanti i FSK-së. Njëri nga rekrutët më të suksesshëm nga kjo gjeneratë, Kushtrim Hyseni ka thënë se kjo ditë i ka sjell ndjenja të papërshkrueshme, për shkak se po jeton dëshirën për të qenë pjesëtar i FSK-së.
"Ka qenë dëshirë imja shumë e madhe, prandaj edhe ndjenjat janë të papërshkrueshme. Kam realizuar me punë dhe mund ëndërrën time jetësore për të qenë pjesë e FSK-së" ka thënë Hyseni.
Ceremonia është përmbyllur me dhënien e betimit solemn nga rekrutët e kësaj gjenerate dhe përgëzimet që këta kanë marrë nga familjarët.
Këtë të premte në Komandën e Doktrinës dhe Trajnimit në Ferizajt, është zhvilluar ceremonia e diplomimit të gjeneratës së parë të këtij viti e përbërë nga 148 rekrutë të rinj, në të cilën merrnin pjesë eprorë të lartë të KFOR-it, komandanti Erhard Buhler, eprorë të FSK-së më në krye gjeneralët Sylejman Selimi e Rrahman Rama, zv/ministri i FSK-së, Bejtush Gashi, familjarë të rekrutëve dhe struktura të pushtetit.
