Në komunën e Ferizajt ka filluar fushata e korrje-shirjeve.

Zyrtarë të Drejtorisë Komunale të Bujqësisë dhe Zhvillimit Rural në Ferizaj, bëjnë të ditur se rendimentet e grurit në Komunën e Ferizaj, për një hektar të korrur, këtë vit sillen nga 3500 deri në mbi 5500 kilogram. Drejtori i Bujqësisë në Ferizaj, Safit Halili ka theksuar faktin se këto rendimente kaq të larta nuk janë pritur për këtë vit. “Fermeri i cili ka të mbjellura mbi 30 hektar, dje, vet më ka deklaruar që i ka peshuar të korrurat dhe që janë arritur këto shifra kaq të larta. Mesatarja e një hektari të korrur është mbi 4500 kilogram”, ka sqaruar drejtori  Halili, duke bërë të ditur se rendimente të mira, janë dhënë edhe për shkak të kushteve të mira atmosferike, por edhe falë subvencionimit me herbicide për zhdukjen e barojave nga drejtoria e bujqësisë dhënë bujqëve
Në  Komunnë e Ferizaj, me grur kanë qenë të mbjellura mbi 4780 hektarë, nga to 40 hektarë thekër dhe 60 hektarë elb, por kjo shifër e sipërfaqes, sipas drejtorit  Halilit, është edhe më e madhe, pasi që kjo shifër është nga Ministria e Bujqësisë, ku fermerët e vegjël nuk janë futur në listë.
Sikurse edhe vitet e kaluara, edhe gjatë këtij viti Ministria e Bujqësisë, ka subvencionuar edhe fermerët e Komunës së Ferizajt, konkretisht autokombajnat me derivate të naftës . “Sa i takon sasisë së kombajnerëve, shuma është e definuar, e cila është 100 euro për hektarë”, ka thënë Halili.
Për fushatën e korrje-shirjeve në Komunën e Ferizajt janë angazhuar mbi 80 autokombajna.

Fushata e korrje- shirjeve në komunën e Ferizajt, ka filluar gjatë kësaj jave. Kështu bëjnë të ditur zyrtarë të Drejtorisë komunale të Bujqësisë dhe Zhvillimit Rural në Ferizaj.