Edhe në Ferizaj me aktivitete të ndryshme u shënua 12 Gushti Dita Botërore e Rinisë.Sektori i rinisë i cili funksionon në kuadër të Drejtorisë për Kulturë,Rini dhe Sport në Ferizaj organizoi një varg aktivitetesh, ndër to edhe një anketë me të rinjtë e këtij qyteti,me pyetje të ndërlidhura kryesisht me atë se çka i mungon rinisë dhe çka duhet të përmirësohet në këtë drejtim. Agon Zhinipotoku,përfaqësues i Sektorit të rinisë në Ferizaj u shpreh se janë munduar që për të rinjtë e kësaj komune të organizojnë disa aktivitete.”Perveç anketës së realizuar me të rinjë ne do të kemi edhe një debat me krerë të Drejtorisë për Kulturë,Rini dhe Sport si dhe me shefen e Sektorit të Rinisë me ç’rast do të flasim me të rinjtë për gjithçka u mungon atyre”. Zhinipotoku ,duke folur në emër të të rinjëve u shpreh se kanë disa pengesa në implementimin e Ligjit për fuqizim dhe pjesëmarrje të rinisë ,ligjin për vullnetarët,ligjin për licencimin e qendrave rinore, i cili është udhëzim administrativ prej Ministrisë për Kulturë,Rini dhe Sport.”Mendojmë se rezultatetet e kësaj ankete do të jenë të mira, do të nxjerrim konkluzionet e saj si dhe do t’i adresojmë tek institucionet përkatëse”, tha Zhinipotoku.
Edhe Albion Sherifi,një i ri nga Ferizaj tha se është fakt shqetësues që një pjesë e madhe e rinisë nuk ka ndonjë informacion të saktë rreth kësaj dite dhe ne jemi munduar që në bashkëpunim me Sektorin e Rinisë si dhe me Grupin e Vullnetarëve që të organizojmë disa aktivitete që do të ishin dobiprurëse për shënimin e kësaj dite ,që ka një dobi të madhe për të rinjtë dhe për shoqërinë lokale në përgjithësi.”Me ndryshimin e kohërave ne shpresojmë të bëjmë një hap përpara ,duke festuar këtë ditë në mënyrë sa më madhështore me shumë aktivitete dhe me një përkrahje më të madhe buxhetore”theksoi Sherifi.
Organizohen aktivitete të ndryshme
