Në Ferizaj mbrëmë me filmin francez “Misioni I Kleopatrës”është bërë hapja solemne e Festivalit të filmit “Hyjnesha në fron”edicioni i 4- t, i cili për çdo vit mbahet në njërin prej qyteteve të Kosovës. Naim Ferati, drejtor i Drejtorisë së kulturës në Ferizaj, bëri edhe hapjen solemne të këtij evenimenti që mbahet për herë të parë në Ferizaj.”Ferizajasit do të kenë mundësi t’i shohin filmat nga Franca, Turqia, Bosnja, Shqipëria dhe Maqedonia prej 17 deri më 21 nëntor”u shpreh Ferati,përderisa vlerësoi lart organizimin e këtij festivali.
”Do të kenë mundësi të ndjekin nëntë filma të zhanreve të ndryshme”, ka thënë drejtori Ferati.
Edhe aktori i njohur , Enver Petrovci,njëherit edhe pjesë e jurisë së këtij festivali tha se Ferizaj, ka një publik që e do artin dhe se kjo ngjarje është shumë e rëndësishme për këtë qytet, duke promovuar kështu vlerat e artit, këtë herë të filmit.
Ndërsa edhe organizatori i Festivalit të Filmit “Hyjnesha në fron”,Besim Ajeti tha se ky festival tashmë po shtrihet nëpër Kosovë dhe se do të ketë karakter garues. U bë e ditur se do të ndahen nëntë çmime që i bie të jetë i njëjtë me numrin e filmave garues. Kësisoj do të ndahet çmimi për rolin kryesor për aktorin më të mirë, rolin kryesor për aktoren më të mirë, rolin episodik, regjinë më të mirë, filmin më i mirë, çmimi i festivalit, dokumentari më i mirë, çmimi i kinemasë të së ardhmes dhe çmimi për veprën jetësore që ndahet çdo vit.
Festivali financohet nga Ministria e Kulturës dhe nga Komuna e Ferizajt.
Kurse Ekrem Sopi, Naser Gjinovci, Ymer Mushkolaj, Enver Petrovci dhe Zethane Gimolli, janë anëtarët e jurisë. Gjatë një nate është paraparë të shfaqen një numër i filmave te metrazhit të shkurtër të regjisorëve të rinj nga Kosova. Sipas organizatorëve, filmat që do të marrin pjesë janë premiera.
Filmi francez “Misioni i Kleopatrës”hapi këtë festival
