Megjithëse ende nuk dihen saktë përmasat e kësaj dukurie, nxitësit e saj, as mënyrat se si arrijnë qytetarët e Ferizajt që të kalojnë në vendet evropiane, braktisja e vendlindjes pa një perspektivë të qartë për të ardhmën, paraqet brengosje serioze, me të cilën duhet të merret e gjithë shoqëria.
Duke qenë i vetëdijshëm për kushtet e vështira ekonomike, në të cilat jeton një pjesë e konsiderueshme e popullatës së Ferizajt, megjithatë nuk e konsideroj zgjidhje më të mirë statusin e refugjatit, të cilin e synojnë shumica e atyre që po vendosin të dalin jashtë vendit.
Dëshiroj të shpreh keqardhje për informacionet se një pjesë e mirë e atyre që po e synojnë mërgimin, janë pre e mashtrimeve, e premtimeve të kushtueshme dhe e manipulimeve të matrapazëve, që i joshin sidomos të rinjtë për ta braktisur vendin e tyre, drejt një të ardhmeje plot vuajtje e pasiguri.
Dua të solidarizohem me shqetësimet e atyre familjeve, pjesëtarët e të cilave tashmë janë larguar nga Kosova dhe t’u bëj thirrje të rinjve që të tregojnë më shumë kurajo për ta ndërtuar jetesën në vendlindje. Besoj fuqimisht se më shumë ia vlen një jetesë modeste në vendin tënd, se sa ajo e refugjatit në vend të huaj.
Gjithashtu u bëj thirrje institucioneve shtetërore dhe agjencive të sigurisë që të merren më seriozisht me këtë çështje, për të penguar mashtrimet dhe manipulimet me qytetarët e dëshpëruar.
Ferizaj, 24 nëntor 2014
Muharrem Svarqa
Kryetar i Ferizajt
Kryetar i Ferizajt
Këto ditë kemi qenë dëshmitarë të informacioneve shqetësuese për rritjen e numrit të ferizajasve që janë larguar nga komuna jonë me qëllim mërgimi në vende të tjera.
