Me përfundimin e punimeve të cilat filluan për ndërtimin e zgjerminit të nënstacionit Ferizaj I, energjia elektirke do të përmiresohet dukshem në tri komuna, Ferizaj Kaçanik dhe Shtërpcë, kështu u tha të premten me rastin e fillimit te punimeve, ku të pranishëm ishin zyrtarë nga institucionet qendrore të vendi dhe te KEK-ut
Drejtori Menaxhues i KEK-ut, Arben Gjukaj, ka thënë se ndërtimi këtij nënstacioni po bëhen me qëllimin që qytetarëve t’u ofrohen shërbime sa më kualitative, pasi që trafostacioni në kshatin Bibaj është shuëm i mbingarkuar”Për këtë, korporata ka filluar realizimin e këtij projekti për zgjerimin e këtij nënstacioni dhe me vendosjen edhe të një transformatori 40 megavolt amper”, ka thënë Gjukaj, duke bërë të ditur se me realizimine këtij projekti do të ketë edhe zvoglim të numrit të defekteve, orëve të humbura pa energji ekeltrike për konsumatorët dhe do të ketë furnizim më të mirë të energjisë elektrike. Gjukaj ka thënë se KEK-u, ka synim që të kalohet në nivelet e tensionit, duke eleminuar nivelin 35 dhe 220 që nënkupton uljen e humbjeve teknike
Ministri i Ministrisë së Zhvillimit Ekonomik, Besim Beqaj,ka thënë se Qeveria e Kosovës është duke përkrahur të gjitha projektet në investime të cilat kanë për qëllim që Kosova të jetë me energji elektrike. “E dini se me nje vendim të qeverisë, ne kemi marrë edhe vendime për të hyrë në investime shumë më të mëdha në fushën e energjetike dhe tani jemi në fazën përfundimtare të përgatitjes së lansimit apo lëshimit të tenderit për privatizimin e rrjetit energjetik, i cili do të mundëson që krahas këtyre investimeve të kemi një menagjim edhe më efikas dhe furnizim më të mirë”, ka thënë Beqaj, duke bërë të ditur se janë në përgatitje për investim edhe të ndërtimit të termocentralit Kosova e re.
Edhe Kryetari i Ferizajt, Bajrush Xhemaili e quajti këtë investim madhorë për qytetin e Ferizajt. “Falenderoj qeverin dhe KEK-un që ka marrë këtë hap i cili kaherë ishte i nevojshëm. Është dita madhore për Ferizajn nga fakti se po eleminohen shumë defekte të cilat e kanë përcjellë vazhdimisht Komunën e Ferizajt në këtë sektor dhe është një ditë kur po fillon implementimi i një projekti i cili do të bënë të mundshme furnizim më të mirë të qytetarëve me energji elektrike”, ka thënë Xhemaili, duke bërë të ditur se edhe pse nuk është e zakonshme që komuna të ndihmon KEK-un, në këtë drejtim ka participuar me një shumë të mjeteve.
Izet Rushiti, menagjer i Distriktit të KEK-ut në Ferizaj, ka thënë se është një projekt shumë i rëndësishëm për Ferizajn, pasi që trafostacioni i tanishëm në fshatin Bibaj ishte shumë i mbingarkuar. “Ishte shumë i mbingarkuar dhe një fryt i ngushtë për të tri komunat që i mbulojmë, Ferizajn, Kaçanikun dhe Shtërpcën. Me zgjërimin e kapacitetit prej 40 megavolt amper dhe me ndërtimin e një rrjeti kabllovik prej 10 kilometrave do të jetë një furnizim shumë më cilësor me energji elektrike”, ka thënë Rushiti, duke bërë të ditur se pas zgjerimit të rrjetit do të ketë edhe kapacitet rezervë për të dy komunat e tjera.
Vlera e projektit në fjalë pritet te jetë 1.7 milion euro dhe do të zhvillohet me mjete vetanake të KEK-ut dhe me një participim nga Komuna e Ferizajt. Ndërsa punimet për të pritet në mbarjonë në fund të këtij viti ose në fillim të vitit të ardhshëm.
Të premtën në fshatin Bibaj të Ferizajt u vu gurëthemeli për ndërtimin e zgjerminit të nënstacionit Ferizaj I.
