Në mbledhjen e dymbëdhjetë të Kuvendit të Komunës së Ferizajt, është diskutuar ecuria financiare për periudhën janar- shtator 2011. Kryetari i Komunës së Ferizajt, Bajrush Xhemaili, para asamblistëve ka dhënë detaje të të hyrave, por edhe të shpenzimeve buxhetore për të gjitha kategoritë ekonomike në këtë nëntë mujor. Kryetari Xhemaili ka thënë se gjatë kësaj periudhe të hyrat edhe këtë vit kanë shënuar ngritje duke tejkaluar planin për 10.70%, kurse shifra tejkalon të hyrat e vitit të kaluar për 4.63%.”Organizata jonë buxhetore inkasoi grisej të hyra vetanake 2 525 571.6 euro përfshirë këtu edhe të hyrat nga participimet e qytetarëve si dhe nga grantet e unopsit( burim i të hyrës -67) për realizimin e procesit të regjistrimit të popullsisë. Hequr grantet e Unopsit dhe participimet e qytetarëve, kemi një realizim prej 2 339 6981.17 euro, e cila vlerë po bëhet po të vëhet në krahasim me periudhën e njëjtë të vitit 2010, rezulton me ngritje të vlerës së inkasuar për 4.63% apo në vlerë financiare prej 103 556.12 euro, ndërsa krahasuar me planin e të hyrave për periudhën nëntëmujore kemi tejkalim të tij për 10.70%, apo 226 062.17 euro, ndërsa trashuar me planin vjetor, kemi një realizim të tij për 83.02%”, ka thënë Xhemaili.
Edhe këtë herë sipas Xhemailit sektori i tatimit në pronë është e hyrë primare. Nga ky sektor në këtë nëntë mujo të këtij viti janë inkasuar mbi 792 107.83 euro, që në krahasim me vitin e shkuar të hyrat ishin 2.17% më tepër dhe tejkalim plani për këtë periudhë për 17.35 për qind.”Marr për bazë vlerën e inkasuar për këtë periudhë , po ashtu statistikat apo rezultate krahasimore, menaxhmenti i organizatës sonë buxhetore me të drejtë konstaton se inkasomi i të hyrave vetanake për këtë periudhë ka shënuat trend të lartë pozitiv , duke mundësuar kështu tejkalimin e parashikimeve tona, në këtë drejtim”, ka thënë Xhemaili, ndërsa ka shtuar se kjo performancë e mirë e organizatës sonë buxhetore në fushën e inkasimit të të hyrave vetanake, është duke vazhduar edhe përkundër ngecjeve të vogla të shfaqura në disa nga llojet e të hyrave dhe në këtë mes indikatorët e procesit të të hyrave vetanake argumentojnë besimin tonë se viti fiskal 2011 në fushën e të hyrave vetanake do të jetë shumë i suksesshëm duke mundësuar kështu tejkalimin e planit vjetor 2011 si dhe vitin fiskal 2010.
Kurse sa i takon shpenzimeve për këtë periudhë të vitit, kryetari Bajrush Xhemaili thotë se deri më 30 shtator 2011 kanë shpenzuar buxhetin në shkallë 64.31% në të gjitha kategoritë buxhetore.”Gjatë kësaj periudhe raportuese shpenzuam gjithsej 12 149 919.07 euro, mjete buxhetore nga fondi burimor 10 dhe 21 , në të gjitha kategoritë ekonomike apo shprehur në përqindje 64.31 % e tërësisë së buxhetit, ndërsa nga të gjitha burimet e financimit kemi vlerën shpenzuese prej 12 938 079.83 euro”, ka potencuar Xhemaili, duke thënë se periudha janar-shtator si ajo e gjashtëmujorit të parë (janar-qershor) e vitit fiskal 2011, u karakterizua me një vlerë shumë më të lartë të shpenzimeve kapitale se ajo e vitit 2010 dhe atë për 72.71 për qind. ”Granti Qeveritar u shpenzua në vlerë 10 907 355.30% apo 67.86%, ndërsa të hyrat vetanake në vlerë 1 242 563.77 euro apo 44.09%. Duke patur parasysh faktin se ecuria e shpenzimeve kapitale si njëra nga kategoritë buxhetore më të rëndësishme, ka shënuar një shkallë kaq të lartë të vlerës së shpenzuese po ashtu duke u bazuar në faktin se pothuajse të gjitha projektet kapitale janë në fazën e përmbylljes së tyre, atëherë me të drejtë menaxhimi i organizatës sonë nxjerr konkluzione se përmbyllja e vitit fiskal 2011 do të shënon efikasitet të lartë në fushën e shpenzimeve buxhetore, duke mos regjistruar fare apo një shumë simbolike të mbetjes buxhetore(suficit) në bilancin përfundimtar” tha numri një Komunës së Ferizajt Bajrush Xhemaili.
Kjo pikë e rendit ë ditës është përcjellur me disa vërejtje nga partitë opozitare, ndërsa përfaqësues të partisë në pushtete e kanë vlerësuar tejet lart raportin e ecurisë financiare janar- shtator të këtij viti.
Në këtë mbledhje është diskutuar dhe miratuar propozim-vendimin për hartimin e Planit Zhvillimor Urban me elemente të Planit Rregullues Urban për Qendrën Urbane Softaj, po ashtu në këtë mbledhje është diskutuar edhe për propozim-vendimin për shndërrimin e tokës bujqësore në atë ndërtimore të ngastrave kadastrale nr.600/1 dhe 600/2 si dhe të ngastrës kadastrale nr. 325 dhe 326.
U diskutuan pika të ndryshme të rendit të ditës
