Në këtë takim u diskutuan çështje që kishin të bënin me fuqizimin e dialogut publiko-privat. Qëllimi i kësaj konference ishte informimi mbi atë se çfarë janë duke bërë institucionet, shoqatat e bizneseve, organizatat e donatorëve në nivel nacional, rajonal dhe lokal për zhvillimin e sektorit privat.
Këtë konferencë e ka përshëndetur nënkryetari i Komunës së Ferizajt, Xhavit Zariqi, i cili tha se këto konferenca janë shumë të rëndësishme për bizneset e vogla në Kosovë dhe konkretisht edhe në Ferizaj.
“Unë mendojë se bizneset në Kosovë, nuk kanë gjetur mbështetjen e duhur në institucionet qendrore për shumë arsye, dhe duke u bazuar në këtë ne tani në këtë gjendje çfarë jemi sot, nuk kemi rritje të bizneseve as numerikisht, as në kuptimin ekonomik, por kemi rënie në Kosovë dhe kjo është brengosesh për gjendjen të cilën e kemi sot”, ka thënë Zariqi, duke theksuar faktin se duhet të merren të gjithë faktorët relevantë lidhje me këtë problematikë.
“Të gjithë faktorëve relevantë duhet të merren me përkushtim për këtë çështje, sepse kjo gjendje duhet të ndryshojë dhe duhet të drejtohemi edhe nga është rrugë. Në Kosovë bizneset, sidomos të voglat, por edhe bizneset në përgjithësi nuk e kanë mbështetje as ligjore e infrastrukturore, po as të faktorëve tjerë relevant, kur flitet për zgjerim të biznesit vërtet procedurat janë shumë të ndërlikuara, unë dua t’ju njoftoj se vetëm me ligjin për partneritetin publik-privat që është bazë për zhvillim ekonomik është aq i ndërlikuar, dhe i pa definuar që apsulutisht është vështirë me gjet një investitorë të interesuar nga jashtë për ta pru kapitelin e vet këtu dhe për të investu”, është shprehur Zariqi.
Në këtë konferencë u fol mjaft gjatë për shërbimet e KIESa për zhvillim në sektorin privat, qasja më e lehtë për ndërmarrjet e vogla dhe të mesme në financa, shërbimet e Odes Ekonomike në funksion të ndërmarrjeve si dhe për zhvillimet e fundit në sistemin e taksave. Ky aktivitet organizohet në bashkëpunim me Odën Ekonomike të Kosovës. Ju lutem gjeni agjendën në fund të këtij dokumenti.
Projekti Ditët e Biznesit të Vogël ’14 organizohet nga Ministria e Tregtisë dhe Industrisë në partneritet me institucione publike dhe private. Dialogu publiko-privat dhe fuqizimi i ndërmarrësisë ёshtё mё se i domosdoshëm për një zhvillim të qëndrueshëm tё sektorit privat, respektivisht zhvillimit ekonomik.
Në kuadër të ditëve të Biznesit të Vogël 2014 (DBV ‘14), këtë të mërkurë në Ferizaj, u mbajt konferencë informative me temën “Mbështetja Institucionale për NVM-të”.
