Ky karvan është ndalur edhe në sheshin “Adem Jashari” në Ferizaj, ku drejtues të Qeverisë lokale të Ferizajt, ju kanë dëshiruar mirë se ardhje, duku organizuar një aktivitete solemn në pritje të këtyre organizatorëve.
Drejtori i Drejtorisë së Administratës dhe Personelit Vesel Zhinipotoku, të pranishëm i ka përshëndetur në emër të kryetarit të komunës së Ferizajt, Agim Aliu, duku vlerësuar tejet lartë organizimin e këtij aktivitetit i cili është bërë me iniciativë të anëtarëve të ngushtë të familjeve të Hasan Prishtinës, Isa Boletinit, Kadri Zekës, Bajram Currit dhe të tjerëve.” Unë ju përgëzojë për një manifestim të tillë. E veçantë e këtij organizmi është edhe rrugëtimi juaj nëpër qytet ku të parët e juaj, kanë rrugëtuar kështu nëpër Ferizaj, Kaçanik, Hanë të Elezit dhe për të arritur edhe në Shkup, ku patriotët tanë arritën që me angazhimet e tyre edhe synimet të cilat i kishin çlirimin e trojeve shqiptare”, ka thënë Zhinipotoku, duku theksuar se komuna e Ferizajt, çdo herë do të përkrahë aktivitete të tilla.
Nga ana tjetër Mehmet Prishtinë, stërnip i Hasan Prishtinës, ka thënë se ideja për një organizim të tillë ka qëndruar në shpirtin e ti shumë gjatë.
“Jemi dakorduar t’i organizojmë të gjitha familjet nga periudha 1912 e deri më sot, për të organizuar një manifestim të tillë dhe për të begatuar manifestimin e 100 vjetorit të çlirimit të Shkupit. Unë i kam prirë këtij organizimi dhe të gjithë të tjerët e kanë përqafuar kështu që jam shumë i lumtur që kjo gjë po funksionon dhe në rrugëtimin tonë për Shkup, jemi duku ecur drejt”, ka theksuar Prishtina, ndërsa ka shtuar se si familjar i Hasan Prishtinës ndjehet shumë mirë. “Është një barrë dhe një obligim dhe përgjithësi me të cilën me ndihmën e Zotit shpresojmë të shkojmë në rrugë të drejtë dhe të realizojmë aspiratat që i ka pasur synim Hasan Pristina dhe akoma nuk janë realizuar”, ka thënë stërnipi i Hasan Prishtinës, Mehmet Prishtina. Këtij aktiviteti i janë bashkuar edhe zyrtarë të komunës së Ferizajt.
Në bashkëpunim të familjarëve të ngushtë të luftëtarëve që luftuan që nga vitit 1912 e deri më sot së bashku më Institutin e Historisë së Shkupit, Institutin Albanologjik dhe me komunën e Çairit në Shkup, është mbajtur karvani me familjarë të këtyre luftëtarëve që ka filluar nga Prishtina, për të vazhduar në Ferizaj, Kaçanik, Hanë të Elezit dhe për ndalur në Shkup me rastin e 100 vjetorit të çlirimit të Shkupit.
